Larunbat goizaldean Ertzaintzak esku hartu zuen bi herritarren arteko liskar batean, Gasteizko Alde Zaharrean. Hala Bedik eta Gasteizko Gaztetxeak zabaldu dituzten bideoetan ikusi daitekeenez, kalez jantzitako polizietako batek pistolarekin destatu zuen herritarretako bat, eta ertzain uniformatuek lekukoen aurka egin zuten. ARGIAk bertan izan zen herritar baten testigantza jaso du.

Ostegun goizerako zegoen deituta Tubos Reunidoseko grebaren jarraipena bozkatzeko bilera Amurrioko lantegian. Galdeketaren antolatzaileek eta batzarrera sartu diren langileek Ertzaintzaren babesa izan dute eta zain zituzten piketeak; grebalarien ustez, batzarra “zuzendaritzaren maniobra” da. 232 langilek bozkatu dute grebaren aurka, 889 behargin ditu enpresak.

Alquiler Seguro enpresak 500 etxebizitza inguru ditu Hego Euskal Herrian, horietako 275 inguru Gasteizen. LABek salatu du enpresa horrek sistematikoki legezkoak ez diren praktikak burutzen dituela eta alokairu grebaren kanpaina betean maizter brigadak antolatu dituzte.

Ziegako leihotik hainbat aldarri politiko kentzeari uko egiteagatik isolamenduan sartu dute. Protesta modura, Bilbaok gose eta komunikazio greba abiatu ditu.

Israelgo indarrek Global Sumud-en ontzietako hainbat zibil bahitu zituzten atzo Mediterraneo erdialdean, Gazatik 600 miliatara. Gaur arratsaldean, mobilizazio bat egingo da Gasteizen ekintza horren aurkako protesta gisa.

91 urte zituela hil da Xabier Sánchez Erauskin kazetaria. 1950eko hamarkadan apaiz izana Okinan (Araba), Ternuako (Kanada) uretan arrantzale aritua gero, kazetaritza ikasketak eginda Posible, Cuadernos para el diálogo eta Egin agerkarietan egin zuen lan. Punto y hora aldizkariko zuzendaria ere izan zen eta, hain justu, 1983ko apirilaren 15ean 18 hilabeteko espetxe zigorra jarri zioten, bertan plazaratu ziren bi artikulurengatik. “Uste dut Sánchez Erauskinen biografiak zalantza asko erantzuteko aukera eskaintzen duela, baita hainbat galdera egiteko ere”, zioen Joxe Felix Azurmendik, Egin eta Deia egunkarietako zuzendari izandakoak, 2023an ARGIAk egindako elkarrizketan. “Garai bat azaltzeko gizon eredugarria da: zer zen apaiz izatea? Zer zen konprometitua egotea Trantsizio garaian?”