Euskal Rock Erradikalaren eztandaren erdian eta garaiko testuinguru gatazkatsuan, ezohiko Gasteizko jaiak izan ziren 1986koak. Garaiko soinu-bandaz blaitutako istiluak egon ziren urte hartako abuztuaren hasieran.
En medio del estallido del Rock Radical Vasco y de la coyuntura conflictiva de la época, las fiestas de Gasteiz de 1986 fueron inusuales. A principios de agosto de aquel año se vivieron incidentes impregnados en la banda sonora de la época.
60 urteko preso bat hil da joan den astelehenean egoera larrian zegoela ospitalera eraman ondoren. Salhaketak salatu du presoak egun batzuk zeramatzala osasun egoera larrian, eta espetxeko langile baten eskariz eraman zutela azkenean medikuarengana, berandu bazen ere.
Judimendi auzoko preso ohia asteartean zendu zen bizikletan zihoala, lehen hipotesien arabera bihotzeko baten ondorioz. 55 urte zituen Igor Uriartek, Euskal Herriko herri mugimenduan ezaguna eta kazetaritzan aritua, azken urteetan Urruñan bizi izan zen.
Apiriletik hona, zortzi familiak jo dute Gasteizko Etxebizitza Sindikatu Sozialistaren etxebizitza-aholkularitzara, Alokabidek hasitako etxegabetze-prozesuei aurre egin behar dietelako. Familia bakoitzaren egoera desberdina da: lau jada etxegabetuak izan dira, eta beste laurak kaleratze-data noiz iritsiko zain daude. Guztiak zaurgarritasun egoeran dauden familiak dira, eta Alokabideren prozedura opakoei egin behar diete aurre.
Hiru greba egun deitu dituzte ikuskizun eta ekitaldietako teknikariek. EAEko hiriburuetako jaietan deitu dituzte greba egunak, eta Gasteizen kasuan abuztuaren 5erako iragarri dute greba. Teknikariok, ESK, LAB, UGT, CCOO, ELA eta CNT sindikatuek babestu dute greba deialdia.
Ehunka lagun mobilizatu ziren igandean, Espainiako Selekzioak Munduko Kopako finala jokatu baino lehen, Euskal Selekzioaren ofizialtasuna aldarrikatzeko eta espainiolismoari gorazarre egiten ari zaiola salatzeko. Ertzaintzaren partetik pairatutako probokazioak, mehatxuak eta atxiloketak salatu dituzte Euskal Selekzioaren alde mobilizatu zirenek.
Mozal Legean oinarrituta eta desobedientziaz akusatuta, guztira 7.000 euro baino gehiagoko isunak jaso dituzte Korda espazioa defendatu zuten kideek. Isunen kontrako helegiteak jarri zituzten eta gaur hasi dira horiek ebazteko epaiketak. Protesta eskubidea aldarrikatu dute epailearen aurrean.
Salburuko Harrera Sareak elkarretaratzea deitu du igande honetarako, asilo eskatzaileen egoera salatzeko eta erakundeei harrera prozesu duin bat eskatzeko. Udalaren Presio eta alternatiba falten ondorioz asilo eskatzaileak berriro ere kalean lo egin beharko dutela salatu dute.
Gasteizko erdiguneko etxebizitza batean bizi diren ama, 6 urteko alaba eta gizon bat kanporatzen saiatu ziren etxejabea eta Ertzaintza, inolako agindu judizialik gabe eta modu ilegal batean. Auzoan Bizi Etxebizitza Sindikatuak esku hartzea lortu zuen eta etxegabetzea bertan behera geratu zen.
“Justizia euskararentzat, euskara guztiontzat” lelopean, elkarretaratzea egin dute Euskalgintzaren Kontseiluak deituta Gasteizko Letren Fakultate aurrean. Hezkuntza arloko eragile nagusiek atxikimendua eman diete mobilizazioei, unibertsitatera sartzeko probako euskara azterketaren inguruko epaia salatzeko.
Aisialdi taldeak salatu du Gasteizko Udalak utzitako lokala ez dela segurua eta hiru urtez ez duela konponbiderik eman. Taldeak lokal egonkor eta egoki bat eskatzen du haurrekiko konpromisoa eta aisialdi euskaldun eta alternatiboa bermatzeko.
Auzoan Bizi Etxebizitza Sindikatuak eta Ramon Bajo eskolako komunitateak bi adin txikiko dituen familia bat etxegabetua izateko arriskuan dagoela salatu dute. Desalojoa uztailaren 9rako zegoen ezarrita, baina “auzo antolakuntzari” esker, irailaren 25era atzeratzea lortu dute.
Gasteizko zenbait eragile kalera atera ziren atzo, LGTBIQ+ Komunitatearen Nazioarteko Egunean, “Autoritarismo arrazistaren aurrean kuir antolakuntza” lemapean. “Bazterretan bizi diren kolektiboek” azaldu dutenez, euren kontrako oldarraldi batean gaude, autoritarismoa eta militarizazioa hedatzen diren bitartean.
2018 Gure eduki guztiak Creative Commons Aitortu 4.0 Nazioartekoa Baimen baten mende daude.
