Duela 37 urte sortu genuen Hala Bedi, Arbako Komunikabide Librea, ekinez eta eginez, Arabako errealitatea ahots propioz kontatzeko. Eta horrela egin dugu urte luze hauetan aurrera, ahots propioz, gure kabuz. Irrati uhinetatik multimediatasunaren txoko berritzaileraino, autogestioz eta autogestioan.
Covid-19ak sortutako krisi sanitarioak gogor kolpatu gaitu herri komunikabideoi eta herri mugimenduko dozenaka eragileoi. Gogor kolpatu gaituen moduan dagoeneko kronikoa bilakatu den sistemaren krisi honek. Aurten, Hala Bediren, eta beste hainbesteren, diru iturri nagusiak bertan behera geratu dira: Txosna, azoka, ikuskizun… Baina ez dago gure lana zapuztuko duen birusik, txertoa aspaldi aurkitu genuelako: Halabelarriak.
Halabelarriek, bazkideek, eutsi diote proiektuari urte guzti hauetan: Arabarentzako ahots libre eta ozen baten aldeko apustua egin duten ehunka eta ehunka lagunek. Halabelarriak izan dira Hala Bediren bihotz eta erregaia, eta errgai hori ezinbestekoa izango da motorrak martxan jarraitu dezan. Ezinbetsekoa zara zu.
Halabelarriak behar ditugu. Behar zaitugu. Zu, Hala Bedi babesten duzun hori, Hala Bedin sinisten duzun hori, orain da unea urrats berri bat eman eta bazkide egiteko edota ekarpen ekonomiko puntual bat egiteko.
Egin zaitez Halabelarri eta jarraitu Arabako Komunikabide librea elikatzen! Guztion eskuekin eraiki duguna jarraitu dezala guztion indarrez aurrera!
Hala Bedi babestu nahi baduzu baina ezin bazara hilabeteroko kuota batera konprometitu, ekarpen ekonomiko puntuala egiteko aukera dago, kontu honetara egin dezakezu transferentzia, mila mila esker Arabako Komunikabide Librea posible egiteagatik!
IBAN: ES28 3035 0222 17 2220061902
