Poeta madarikatuak | Mitoen berrinterpretazio garaikideak [2×06]

Poeta madarikatuak | Mitoen berrinterpretazio garaikideak [2×06]

                       Resultado de imagen de john william waterhouse boreas

Ezkerraldean: Circe (The Sorceress) – John William Waterhouse (1911-1915). Eskumaldean: Boreas – John William Waterhouse (1903).

Aurreko programan aurreratu genizuen moduan, mitologia protagonista izango dugu gaurkoan, izan ere, mitoak literaturaren parte izan dira eta literatura sortu dute eta horiek aztertuko ditugu saio honetan baina autore garaikideek haien inguruan egindako berrinterpretazioak izango ditugu mintzagai! Eta nola landuko dugu arlo zabal eta interesgarri hori? Ba betiko moduan, musika atsegin eta ona lagun, autoreak eta haien obrak aurkeztuko dizkizuegu eta gero zuek aukeratuko duzue zer irakurri! Eeeta esan beharra daukat saio honetan emakume idazleak besterik ez ditugula jorratuko, bai horixe! Ez dadila esan mitologia gizonen esparrua denik, izan ere, berrinterpretzio moderno gehienak emakumezkoak eginak dira!

Hasteko, aurreko programan landu genuen autore eta obra bat berriro ere aurkeztuko dizuegu, Margaret Atwooden “The Penelopiad”, hain zuzen ere, Odisea eta Iliadaren mitoa Penelopek berak kontatua. Horren ostean, Christa Wolf idazle zoragarriaren “Medea” landuko dugu, galdu ezin duzuen lana, dudarik gabe. Medea protagonistatzat dauka eta mitoaren bestelako aurpegi bat aurkezten digu, erabat desberdina eta iraultzailea. Bi idazle horien ostean, Madeline Millerri tokatzen zaio, pasa den urtean argitaratutako “Circe” lanaren inguruan hitz egingo dugu. Noski, sasijainkosa du protagonista eta bere jaiotzetik helduarorarteko istorioa kontatzen digu Millerrek, bestelako mitoak tartekatuz (minotauroa eta labirintoarena, Glaucorena eta abar).

Hiru lan hauek behin aztertuta, eleberria ez den lan bat komentatuko dugu, Loïc-Locatellyren “Persefone”, hain zuzen ere. Eleberri grafiko honen bidez, manga estiloko marrazkiak lagun, Persefoneren mitoa kontatzen zaigu, oso modu modernoan eta desitxuratuan, beraz, mito klasikoa topatu nahi dutenek ez dute hemen aurkituko. Marrazki ederrak eta istorio xarmagarria izango dugu hau, irakurraldi batean amaitzeko modukoa. Persefoneren istoriotik Troyako gudara pasatuko gara, izan ere, Pat Barkerrek “The silence of the girls” eleberria kaleratu zuen pasa den urtean eta Troyako Gudan emakumeek jasandakoa kontatuko digu batez ere Briseidaren ikuspuntutik. Dakizuenez, greziarrek Troya konkistatu ostean bertako emakume asko greziar soldaduekin ezkontzera behartuta egon ziren edota haien maitale edo prostituta izatera behartu zituzten, beraz, hemen dugu ahotsik eman ez zaien emakumeen istorioa.

Saioa amaitzeko, Fiona Bensonen lan txundigarri eta interesgarri bat aurkeztuko dizuegu, “Vertigo & Ghost” izenekoa. Poesia bilduma honen gai nagusia biolentzia da, zehazki Zeus jainkoak eragindakoa, mitologia grekoan egon den jainkorik bortzaile eta erasotzailenetarikoa baita. Azkenik, pare bat gomendio gehiago emango dizkizuegu eta horrekin saioa itxiko dugu, interesgarria ezta?

Abestien zerrenda:

  • Big God – Florence and the Machine (High as Hope, 2018).
  • Persephone – The Soulbreaker Company (Sewed with light, 2018).
  • God is a woman (Cover) – Aurora (2018).

Liburuen zerrenda:

  • The Penelopiad – Margaret Atwood (2005).
  • Circe – Madeline Miller (2018).
  • Medea. A modern retelling. – Christa Wolf (1996).
  • Persephone – Loïc Locatelly (2018).
  • The silence of the girls – Pat Barker (2018).
  • Vertigo & Ghost – Fiona Benson (2019).
  • A thousand ships – Natalie Haynes (2019).
  • The graces – Eve Laure (2016).

Resultado de imagen de medea christa wolf   Resultado de imagen de circe madeline miller   Resultado de imagen de vertigo and ghost  Resultado de imagen de the silence of the girls

Programan landutako liburuetako batzuk.

 

Poeta madarikatuak | 2018: liburu sorta oparoa [2×05]

Poeta madarikatuak | 2018: liburu sorta oparoa [2×05]

         

2018ko irakurketa urtearen errepasoa egingo dugu eta horretarako hasteko berrietan agertu diren zerrenda zoragarri horietara begiratutxo bat emango diegu, tamalez, Berriak ez du oraindik 2018koa argitaratu beraz, beste hedabideenak aztertuko ditugu.Behin horiek zerrendatuta, bai neuk baita kolaboratzaileek ere 2018an irakurri dugun liburu onenak aurkeztuko dizkizuegu, batak zein besteak tartekatuta.

Hortaz, labur-labur gaurkoan landuko ditugun izenburu eta autoreak zerrendatuko dizkizuet, saioaren osotasunaz jabetu zaitezten. Lehenik eta behin, Maarjte Wortelek idatzitako “Peces de colores y hormigón” lanaz jardungo dugu, liburu bitxia, orain horren modan dagoen prosa poetikoan estiloan idatzia, harreman baten nondik norakoak kontatzen dituena itsasorik gabeko hiri hotzean. Nire lehen gomendioaren ostean, Ion Urionabarrenetxeak, euskal sekzioa girotzen digun kolaboratzaileak, hautatutako liburua aurkeztuko digu, Raymond Carverren “Zertaz ari garen maitasunaz ari garenean”, hain zuzen ere.

Horren ostean, Margaret Atwooden “The Penelopiad” lanaz arituko gara, tamalez, oraindik ez da euskaratu eta gaztelaniaz ere ezin daiteke irakurri, ingelesez baino ez dago. Peneloperen mitoaren berrinterpretazio batean datza, Penelopek Ulisesen mitoa bere ikuspuntutik kontatuko du eta zinez interesgarri, lotsagarri eta dibertigarria da. Hortik poesiara salto egingo dugu, Yrsa Dalley-Warden “Bone” poesia kaiera aurkeztuko dugulako.

Hortik Iban Ruiz de Gaunaren gomendiora pasatuko gara, gure atzerriko literatura sekzioa girotzen duen kolaboratzailea. Aurreko urtean beste kolaboratzaile bat txunditu eta erraiak astindu zizkion lana ekarri digu, Virginie Despentesen “King Kong teoria”, alegia. Ostean, nik gomendatutako beste lan bat aurkeztuko dizuet eta hori Jeanette Wintersonen “La pasión” liburua da.

Ondoren, klasikoetara jauzi egingo dugu, badakit oso zaila eta arriskatua dela klasikoak gomendatzea, ez dituela inork irakurtzen eta abar luze bat, baina berdin zait. Horregatik Shakespeareren “Hamlet” eta “Macbeth” gomendatuko ditut. Azken txanpan, Esther Diezek, askotan pasarteak irakurri dituen lagun eta kolaboratzaileak, bere libururik gustukoena gomendatuko digu, Julio Llamazaresen “Distintas formas de mirar el agua”. Nire azken gomendioa “Un invierno en Sokcho” izango da, Elisa Shua Dusapin idazle frantses-korearraren lehen eleberria. Azkenik, Maddalen Zabaletaren gomendioa dugu, David Vannen “Sukkwan Island” eleberria, hain zuzen ere.

Abestien zerrenda:

  • E se bela for monstro – Riding Panico (Lady Cobra, 2008).
  • Muddy Waters – Lp (Lost on you, 2016).
  • Bizitzea – Kashbad (Kashbad, 1996).

Liburuen zerrenda:

  • Peces de colores y hormigón – Maartje Wortel (2018).
  • The Penelopiad – Margaret Atwood (2005).
  • Zertaz ari garen maitasunaz ari garenean – Raymond Carver (1981).
  • Bone – Yrsa Daley-Ward (2014).
  • King Kong teoria – Virginie Despentes (2006).
  • La pasión – Jeanette Winterson (1987).
  • Hamlet & Macbeth – William Shakespeare (1609, 1606).
  • Distintas formas de mirar el agua – Julio Llamazares (2015).
  • Un invierno en Sokcho – Élisa Shua Dusapin (2016).
  • Sukkwan Island – David Vann (2008).

                 

                

Saioan gomendaturiko hainbat literatura-lan.

 

Poeta madarikatuak | Durangoko Azokaren barrunbeak [2×04]

Poeta madarikatuak | Durangoko Azokaren barrunbeak [2×04]

                 

Gaur Durangoko Azokaren inguruan arituko gara! Izan ere, ni neu eta kolaborazioa egiten didatenek gogoz hartzen dugun ekintza da, euskal literaturan dabiltzatenen argitaletxe, ekoizle eta sortzaileak aurrez aurre izateko aukera paregabea baita eta egia esan behar da, Durangok ahalegin guztiak bideratzen dituela Euskal Herriko bisitari guztiak artatu eta gustura egon daitezen, kontzertu, hitzaldi eta ekimen ugari dago eta.

Eta nola landuko dugu Durangoko Azokaren gaia? Ba, gaurkoan euskal literatura izango da sekzio bakarra eta hasteko Durangoko Azokaren inguruko datu batzuk emango ditugu, ostean Harkaitz Canori buruz eta bere azken liburuari buruz jardungo dugu, Susa argitaletxean kaleratutako “Fakirraren ahotsa”, alegia. Horren ostean, Katixa Agirre eta bere azken eleberria aurkeztuko dizkizuegu, idazle moduan idatzi duen bigarrena “Atertu arte itxaron” horren ostean, “Amek ez dute” potente eta irakurri beharrekoa, zinez. Bi idazle hauen ondoren, Alaine Agirrek azkenaldian Erein argitaletxean argitaratu dituen hiru eleberri motz komentatuko ditugu, “Maren” eta “Libe” pasa den urtekoak eta “Oier” aurtengoa. Berez gazteei zuzendutakoak dira, irakurterrazak dira eta pertsonaia desberdinek haien harremanen istorioak kontatzen dituzte, liburu bakoitzean batek.

Alaine Agirretik Eider Rodriguezera pasatuko gara, izan ere, pasa den urtean Euskadi Literatura Saria eman ziotela jakin izan genuen, euskarazko literatura kategorian “Bihotz handiegia” ipuin-bildumagatik eta haur eta gazte literaturan “Santa familia” lanagatik, bejondeiola! Literaturatik pixka bat aldenduz, edo ez, ezin dut saio itxi hau emakume bertsolariek egindako infografia aipatu gabe, bertsolaritza genero ikuspegitik aurkeztu dute infografia eder baten bidez. Azkenik, saioko azken minututxoetan, Pako Aristiren azken thriller antzeko eleberriaz jardungo gara “Rosa itzuli da”-z, hain zuzen ere. Eta saioko azken idazlea Idurre Eskisabel izango da, Berrian eta Egunkarian ibili den kazetaria, literaturara saltoa eman du eta poesia kaiera interesgarri bezain hunkigarria argitaratu du, “Goseak janak”.

Abestien zerrenda:

  • Libre – Berri Txarrak (Libre ©, 2003).
  • Isiltzen banaiz – Berri Txarrak (Jaio. Musika. Hil., 2005).
  • Jainko ateoa – Berri Txarrak (Payola, 2009).

Liburuen zerrenda:

  • Fakirraren ahotsa – Harkaitz Cano (2018).
  • Amek ez dute – Katixa Agirre (2018).
  • Oier (2018), Maren (2017), Libe (2017) – Alaine Agirre.
  • Bihotz handiegia – Eider Rodriguez (2017).
  • Bertsolaritzaren bilakaera genero ikuspegitik – Uxue Alberdi, Ainhoa Agirreazaldegi, Miren Artetxe, Ane Labaka, Malen Amenabar eta Mariñe Arbeo (2018).
  • Rosa itzuli da – Pako Aristi (2018).
  • Goseak janak – Idurre Eskisabel (2018).

               

Argazkiak: saioan jorratutako hainbat liburu.

Poeta madarikatuak | Hiria protagonista denean [2×03]

Poeta madarikatuak | Hiria protagonista denean [2×03]

Resultado de imagen de mortal engines book    Resultado de imagen de a darker shade of magic

Ezkerraldean, Philip Reeveren tetralogia eta eskumaldean Victoria Schwaben trilogia.

Gabon poetazaleok! Ongi etorri Poeta madarikatuak irratsaiora, Hala Bediko literatura irratsaiora, hain zuzen! Esan dezakegu gaurkoan arriskatu dugula eta gai berezi eta interesgarri bat ekarri dizuegula. Hiriak eta herriak agertuko dira eta ez dira fondoan edo testuinguru gisa mantenduko baizik eta bizitza propioa izango dute. Gaurkoan hiriak protagonista diren liburuen inguruan arituko gara.

Sarreran bi adibide klasikora joko dugu, izan ere, Charles Dickensen A tale of two cities eta Paul Austerren New York trilogy liburuak aurkeztuko ditugu. Atzerriko literatura sekzioan, aldiz, John Dos Passosen Manhattan transfer, Philip Reeveren Mortal engines eta V. E. Schawben A darker shade of magic lanen inguruan mintzatuko gara. Azkenik, euskal literatura sekzioan, Ion Urionabarrenetxea Irati Jimenezen Atsekabe zaitut eta Bernardo Atxagaren Ziutateaz jardungo da. Espero dugu saioa gustukoa izatea!

Abestien zerrenda:

  • Arrhythmia – The Soulbreaker Company (Sewed with light, 2018).
  • Volvo – Riding Panico (Lady Cobra, 2008).

Liburuen zerrenda:

  • A tale of two cities – Charles Dickens (1859).
  • New York trilogy – Paul Auster (1987).
  • Manhattan transfer – John Dos Passos (1925).
  • Mortal engines – Philip Reeve (2001).
  • A darker shade of magic – V. E. Schwab (2015).
  • Ziutateaz – Bernardo Atxaga (1976).
  • Atsekabe zaitut – Irati Jimenez (2010).

                             

Saioan jorratuko diren liburuetako batzuk

 

Poeta madarikatuak | Asiar letrak deskubritzen [2×02]

Poeta madarikatuak | Asiar letrak deskubritzen [2×02]

                              Resultado de imagen de genocidio jemeres rojos

Ezkerraldean, Liu Ye poeta prostitutaren olerkia. Eskumaldean, kemer gorriek egindako genozidioa.

Gabon poetazaleok! Ongi etorri Poeta madarikatuak irratsaiora, Hala Bediko literatura irratsaiora! Ba al dakizue zein den gaurkoan jorratuko dugun gaia? Bai, ba! Kontinentea Asia da, hortaz, gaur literatura asiarraren inguruan arituko gara! Aurreko denboraldian Japoniar literatura landu genuen, eta gaurkoan autore japoniarren bat ere landuko dugu baina herrialde desberdinetakoak ere sartuko ditugu, Asia kontinente izugarria baita.

 

Eta nola landuko dugu asiar literatura? Ba hasteko sarreratxo honetan, tradizioari jarraika, bi autore nagusi landuko ditugu, Asiarekin lotzen diren bi lan aurkeztuko dizkizuegu, normalean klasikotzat edo famatutzat jo daitezkeenak. Ostean, atzerriko literatura sekzioan, denboraldiko bigarren kolaboratzailea aurkeztuko dugu, pasa den urtean saioa entzun bazenuten ezaguna egingo zaizue, Iban Ruiz de Gaunak Denise Affonço eta bere “El infierno de los jemeres rojos” lanaz jardungo da.

Ondoren, sekzio berean, Philippe Claudelen “La nieta del señor Linh” eleberriaz mintzatuko gara, eta bai, izenagatik idazle frantziarra da baina eleberri hori programan sartzeak badu bere zentzua, geroago ulertuko duzue. Azkenik, atzerritar literatura sekzioa amaitzeko, Aki Shimazakiren “Tonbo” eleberriaz arituko gara.

 

Azkenik, literatura feminista sekzioan autore andana ekarri dugu, bai horixe. Askok ustekabean harrapatuko zaituzte landuko dugun lanak, baina uste dut zinez merezi duela eta denboraldi osoko lanik garrantzitsuenetarikoa izango dela aurreikusten dut. Eta zein da lan hori? Ba Guojian Chenek egindako bilduma bat, izenburua: “Antología de poetas prostitutas chinas”.

Bai, bai ondo entzun duzue, eta uste dut sekzioak benetan harritu eta interesatuko zaituztela. Txina mundu ezezaguna da guretzat, are gehiago bere poesia eta are gehiago prostituten poesia. Programa osoa iraun beharko duzue azken atal hau entzuteko! Eta saioari amaiera emateko, pasa den urtean argitaratu zen beste emakume autore baten liburuaz hitz egingo dugu, “La vegetariana” Han Kangena. Baliteke askok eta askok ezagutzea, oso famatu bihurtu zen liburua izan da eta azala deigarria izan zen, Rata argitaletxeak egiten dituen modukoa.

Abestien zerrenda:

  • Cobra – Toundra (Vortex, 2018).
  • Persephone – The Soulbreaker Company (Sewed with light, 2018).

Liburuen zerrenda:

  • El arte de la guerra – Sun Tzu (c. K. a. IV. mendea).
  • Kometa ehiztaria (Cometas en el cielo) – Khaled Hosseini (2003).
  • El infierno de los jemeres rojos – Denise Affonço (1979).
  • Tonbo – Aki Shimazaki (2010).
  • La nieta del señor Linh – Philippe Claudel (2005).
  • Antología de poetas prostitutas chinas – Guojian Chen (2010).
  • La vegetariana – Han Kang (2007).

Resultado de imagen de el infierno de los jemeres rojos    Resultado de imagen de la nieta del señor linh   Resultado de imagen de antologia de poetas prostitutas chinas    Imagen relacionada

Saioan landuko diren liburu batzuen azalak.

Poeta madarikatuak | Historiaren hariari tiraka [2×01]

Poeta madarikatuak | Historiaren hariari tiraka [2×01]

 

 

 

 

 

Quint Buchholz idazle eta marrazkigileak egindako irudiak.

Ongi etorri berriz ere Poeta madarikatuak irratsaiora, Hala Bediko literatura irratsaiora, hain zuzen ere! Prest zuen literaturari buruzko jakintzak handitzeko? Beno, hori da gure helburua, lortzen dugun edo ez zuek esango diguzue! Egia esan barkamena eskatu behar dizuet, izan ere, oso atzeratuta ibili naiz eta lehenengo programaren emisioa asko atzeratu dut, badakizue, gaur eguneko bizitza erritmoak pasioak alde batera uztea dakar, zoritxarrez.

Gaurkoan, denboraldi berriari hasiera emateko literatura historikoaz mintzatuko gara! Badakit, gaur mardul eta aspergarria dirudi, baina lasai, primerako musikaz girotuko dugu programa eta elkarrizketa interesgarriren bat sartuko dugu, zuek ez aspertzeko! Hala ere, gaur egungo literatura historikoa zein baino zein interesgarria dela uste dugu, izan ere, istorioak abenturaz beteta kontatzen dira eta historiak izan dezakeen kutsu akademikoa alde batera utzi da.

Eta nola jorratuko dugu gai hau? Ba, oraintxe, sarrera honetan, literatura historikotzat hartu izan diren liburu klasiko batzuen inguruan jardungo dugu, baita literatura historikoak dituen ezaugarriez ere. Ostean, atzerriko literatura sekzioan, Jeanette Wintersonen “La pasión” liburuaz hitz egingo dugu, agian, Zebrabidea magazinari hilero egiten diodan literatura kolaborazioan horren inguruan entzun zenuten, ba, oraingoan berriz ere datorkigu liburu hau.

Euskal literatura sekzioan, apurketa bat egon dadin, Iban Zalduari elkarrizketa egingo diogu, izan ere, pasa den hilabetean “Sekula kontatu behar ez nizkizun gauzak” ipuin- bilduma berria argitaratu zuen eta horren inguruko zertzeladak ematera etorri zaigu. Azkenik, literatura feminista atalean Jane Austenen obraren inguruan arituko gara, ematen du Jane Austen ez dela feminismo hitzarekin lot daitekeen autorea, ezta? Beno ba, bere hainbat liburu jorratuko ditugu, ez bakarrik “Orgullo y prejuicio” delakoa, baizik eta ezezagunagoak diren obrak ere bai.

Abesti/pelikulen zerrenda:

  • Lisístrata – Gata Cattana (Anclas, 2015).
  • Jam Packed – Jazz Sessions.
  • Asher – Free the Wheel (And it goes on, 2018).
  • Pride and prejudice – Joe Wright (2006).

Liburuen zerrenda:

  • Archipiélago Gulag – Aleksandr Solzhenitsyn (1973).
  • To kill a mockingbird (Matar a un ruiseñor) – Harper Lee (1960).
  • La pasión – Jeanette Winterson (1987).
  • Sekula kontatu behar ez nizkizun gauzak – Iban Zaldua (2018).
  • Pride and prejudice (Orgullo y prejuicio) (1813) , Northanger Abbey (La abadía de Northanger) (1817) – Jane Austen.
  • La brecha – Toti Martinez de Lezea (2010).

                       

Saioan landuko diren liburuetako batzuk.

 

 

Poeta madarikatuak | Misterioz jositako literatura [1×14]

Poeta madarikatuak | Misterioz jositako literatura [1×14]

                    

Irudiak: Agatha Christie desagertu zeneko berriak (ezkerraldean), Daphne du Maurierren erretratua (eskumaldean).

Ongi etorri Poeta madarikatuak irratsaiora, Hala Bediko literatura irratsaiora, hain zuzen ere! Prest zuen literaturari buruzko jakintzak handitzeko? Beno, hori da gure helburua, lortzen dugun edo ez zuek esango diguzue! Eta, gaur zer tokatzen da? Gogoratzen duzue zein zen gaurko mintzagaia?

Beraz, hauxe bota genizuen aurreko astean: beltza izango da saioaren kolore nagusia, Agatha Christie, Daphne du Maurier, Stieg Larsson edo Henning Mankellen izenak presente egongo dira eta lainoa, iluntasuna, hilketak, misterioak, odola…beno, ez da batere zaila ezta? Misteriozko eleberria edo eleberri beltza izango da gaurko gaia!

Ba, nola landuko dugu eleberri beltza edo misteriozkoa? Ba betiko moduan, sarrera honetan eleberri beltz ia orok dituen ezaugarriak aipatuko ditugu eta lan garrantzitsuenak zerrendatuko ditugu. Atzerriko literatura sekzioan, Iban Ruiz de Gauna dugu berriz, Sue Graftonen B de bestias eleberriaz jarduteko. Literatura feminista atalean Daphne du Maurier eta Agatha Christiez arituko gara eta azkenik, aspaldiko partez, bitxikerien atalean argitu gabeko misterioak azaleratuko ditugu. Ba, hortxe duzue gaurko plangintza! Misterioetan murgiltzeko prest?

Abestien zerrenda:

  • Odyssey – Kyuss (Welcome to Sky Valley, 1994).
  • Bizitzea – Kashbad (Kashbad, 1996).
  • Carpe Diem – Nebula (Atomic Ritual, 2003).

Liburuen/pelikulen zerrenda:

  • The adventures of Sherlock Holmes – Arthur Conan Doyle (1887).
  • Stron Poison (1930), The Nine Taylors (1934), Gaudy Night (1936) – Dorothy Sayers.
  • B is for burglar (B de bestias) – Sue Grafton (1985).
  • Murder on the Orient Express (Orient-Expresseko hilketa) (1934) – Agatha Christie.
  • Murder on the Orient Express (pelikula) – Sidney Lumet (1974).
  • Rebecca – Daphne du Maurier (1938).
  • Rebecca – Alfred Hitchcock (1940).
  • Millenium saga – Stieg Larsson (2005-2015).

            

Liburu-azalak: saioan jorratutako liburuetako batzuk.

Poeta madarikatuak | Bazen behin…haur literatura feminista [1×13]

Poeta madarikatuak | Bazen behin…haur literatura feminista [1×13]

                  

Irudiak: ezkerraldean Quentin Blakek egindako Matildaren marrazkia eta eskumaldean Emily Hughesek egindako Basatiaren marrazkia.

Gaur programa berezia jorratuko dugu, elkarrizketaz betea eta literatura genero magikoa jorratuko duena! Estudioa jendez lepo dugu eta hainbat eta hainbat kolaborazio izango ditugu, beno, irakasle izatearen abantailetako bat ikasleak engaina ditzakezula da, eta hortaz, horietako batzuk animatu dira gaurko kolaborazioak egitera, eta esan dezakegu, adituak ere badirela gai honetan, ez pentsa!

 

Sarrera honetan, jarraian, haurrentzako ipuin klasikoez mintzatuko gara, Charles Perraultek eta ondoren Grimm anaiek bildutakoez, hain zuzen ere. Solasaldi laburra jorratuko dugu, hau da, ipuinak pixkatxo bat azaldu eta ikuspegi feministatik dugun iritzia emango dugu.

Ostean, atzerriko literatura sekzioan, Thruston Harrisen abesti famatu baten eskutik, Roald Dahlen lan konkretu bat aurkeztuko dugu, “Matilda”, alegia. Ondoren, Leire Uribe- Etxebarriak Nunila Lopez eta Myriam Camerosen Marizipriztinek ez du zorioneko galeperrik nahi lana aurkeztuko digu.

Euskal literatura sekzioan, Hesianen “Zu zara, gu gara” abestiaren inguruko iruzkin labur batzuk emango dizkigu Iñigo Sarasolak, apropos hautatua izan baita abesti hori. Ostean, Arantxa Iturberen ipuinen inguruan arituko gara, haurrentzako literaturan erreferente den izena.

 

Azkenik, literatura feminista sekzioan, Mikel Henda Gomez de Segurak Astrid Lindgrenen “Pipi kaltzaluze”z mintzatuko zatzaigu, eta berriro ere, Leire Uribe-Etxebarriak, gure haur literatura adituak, Emily Hughesen “Salvaje” ipuina kontatuko digu. Azkenik, Jacqueline Kellyren “Calpurnia Tate” eleberriaz arituko gara. Badugu nahikoa lan, ezta? Has gaitezen ba saioarekin!

Abestien/pelikulen zerrenda:

  • Little Bitty Pretty One – Thurston Harris (Christine, 1983).
  • Matilda (pelikula) – Danni De Vito (1996).
  • Zu zara, gu gara – Hesian (Hegalak astinduz, 2014).
  • Lehertuz – Kashbad (Kashbad, 1996).

Liburuen zerrenda:

  • Maitagarri-ipuinak – Charles Perrault (XVI. mendea).
  • Matilda – Roald Dahl (1988).
  • Marizipriztinek ez du zorioneko galeperrik nahi (La cenicienta que no quería comer perdices) – Nunila Lopez eta Myriam Cameros (2009).
  • Amona basoan galdu zenekoa – Aratxa Iturbe (2005).
  • Pipi kaltzaluze (Pippi Langstrumpf) – Astrid Lindgren (1945).
  • Basatia (Wild) – Emily Hughes (2013).
  • Calpurnia Tate – Jacqueline Kelly (2009).

                     

Irudiak: saioan landuko diren liburuen azalak.

 

Poeta madarikatuak | Iparrorratzari jarraika [1×12]

Poeta madarikatuak | Iparrorratzari jarraika [1×12]

              

Irudiak: ezkerraldean, benetako Chris McCandles, Into The Wild liburuaren oinarri izan zena eta eskumaldean, Henry David Thoreauk Waldenen eraikitako etxola.

Kaixo poetazaleok! Gaur, landu dugun genero batera bueltatuko gara, herrialde ezagun eta ezezagunetara bidaiatuko gara eta lurralde misteriotsu eta abentura anitz biziko ditugu, beraz, abenturarako prest egon beharko zarete! Beno, orain argiago? Literatura eta bidaiak izango da berriz ere mintzagaia!

Ba, sarreratxo honetan azken saioetan egin dugun lez, bidaien eta abenturen inguruko liburu batzuen zerrenda emango dizuegu zuei gure proposamenak helarazteko. Ostean, atzerriko literatura sekzioan, hiru idazle eta haien obrak landuko ditugu, Jon Krakauerren Ibilbide basatietara edo Hacia rutas salvajes, Josep Conraden El corazón de las tinieblas eta Pablo d ́Orsen Andanzas del impresor Zollinger, hain zuzen ere.

Euskal literatura sekzioan, Ekaitz Goienetxeari elkarrizketa egingo diogu, izan ere duela gutxi Zaldi mamarroa eleberria kaleratu du eta bere inguruan gehiago jakin nahiko genuke. Horretaz gain, Ion Urionabarrenetxea etorri zaigu beste behin euskal literaturak ekoiztutako bidaia liburuen gainean hitz egitera. Azkenik, bitxikerien atalean, Jon Krakauerrek bere Ibilbide basatietara nobelan kontatutakoa oinarri, isolamendura bidaia egin dutenen istorioren bat kontatuko dizuegu. Polita, ezta? Has gaitezen ba!

Abestien/pelikulen zerrenda:

  • Society – Eddie Vedder (Into the Wild, 2007).
  • Into the Wild (Hacia rutas salvajes, pelikula) – Sean Penn (2007).
  • Blues instrumental – Jam Packed.
  • Stormy Monday – Stoned Jesus (Seven Thunders Roar, 2012).

Liburuen zerrenda:

  • Gulliver´s Travels (Gulliverren bidaiak) – Jonathan Swift (1726 eta 1735).
  • The Great Railway Bazaar (El gran bazar del ferrocarril) – Paul Theroux (1975).
  • Into The Wild (Hacia rutas salvajes) – John Krakauer (1995).
  • Heart of Darkness (El corazón de las tinieblas) – Joseph Conrad (1899).
  • Andanzas del impresor Zollinger – Pablo d´Ors (2003).
  • Zaldi mamarroa – Ekaitz Goienetxea (2018).
  • Atertu arte itxaron – Katixa Agirre (2015).
  • Agur Euzkadi – Juan Luis Zabala (2000).
  • Walden – Henry David Thoreau (1854).

   

Saioan landuko diren hainbat liburu.

Poeta madarikatuak | Oholtza gaineko literatura [1×11]

Poeta madarikatuak | Oholtza gaineko literatura [1×11]

                                        

Irudiak: Penguin argitaletxeak egindako Shakespeare bilduma.

Orain arte landu ez dugun estilo bat jorratuko dugu, elkarrizketaz josia dagoena eta aktoreak behar dituena. William Shakespearek, Federico García Lorcak, Dario Fok edo Samuel Beckettek berak idatzitakoa eta drama, satira, umorea edota tragediak kontatzen dituena. Beno, ez da batere zaila, ezta? Igande honetan antzerkigintza jorratuko dugu, bai horixe!

Eta nola landuko dugu genero zabal eta interesgarri hau? Ba, hasiera honetan antzerkiak ekoiztu dituen obrarik esanguratsuenak helaraziko dizkizuegu, beno zerrenda xume bat egingo dugu, jakinda asko eta asko kanpoan gelditzen direla, baina ezinezkoa da antzerki obra on guztiak aipatzea. Ostean, atzerriko literatura sekzioan antzerkigintzan jardun izan duten hiru izen handi landuko ditugu: William Shakespeare, Federico García Lorca eta Samuel Beckett.

Euskal literatura sekzioan elkarrizketa bat burutuko dugu, Xabier Amuriza elkarrizketatuko dugu, berriki argitaratu duen eleberri berriaz hitz egiteko, Neska bat leku inposiblean, alegia. Bai, bai, ez da antzerkia eleberria baizik, baina apurketa bat egin nahi genuen eta ez dugu Xabier Amuriza egunero izateko aukera, beraz, aprobetxatu nahi izan dugu.

Tartean, sekziorik ez bada ere, emakumeek idatzitako antzerki lan batzuk aipatuko ditugu, ez baitugu emakumeen lanik aipatzen ez duen saiorik egin nahi.

Eta, azken sekzioan Beñat Perez etorri zaigu, hilero bezala, bitxikerien atala girotzera. Baina, gaurkoan ez ditu gaiarekin zerikusia duten abesti bitxirik ekarri, baizik eta obra eta autore konkretu baten inguruan mintzatuko zatzaigu: Dario Foren Muerte accidental de un anarquistaz, hain zuzen ere. Ikusiko duzue zeinen saio interesgarria eta entretenigarria burutzen dugun!

Abestien/pelikulen zerrenda:

  • Ex lion tamer – Wire (Pink Flag, 1977).
  • Macbeth (pelikula) – Justin Kurzel (2015).
  • La novia (pelikula) – Paula Ortiz (2015).
  • Blues instrumental – Jam Packed.
  • You were so young – The Cigarettes (1979).

Liburuen zerrenda:

  • La vida es sueño – Pedro Calderón de la Barca (1635).
  • Et dùkkehjem (La casa de muñecas) – Henrik Ibsen (1879).
  • Macbeth – William Shakespeare (1623).
  • Bodas de sangre – Federico García Lorca (1933).
  • Waiting for Godot (Esperando a Godot) – Samuel Beckett (1949).
  • Neska bat leku inposiblean – Xabier Amuriza (2018).
  • Morte accidentale di un anarchico (Muerte accidental de un anarquista) – Dario Fo (1970).

    

Saioan landuko diren lanetako batzuk.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies