Hiketan saioaren bederatzigarren atalean Maddalen Subijana Puelles gonbidatu dinagu gentrifikazioaren inguruan hitz egiteko. Gasteiztarrak Berlingo gentrifikazioa nola hasi zen kontatu zigun, eta baita gaur egungo erronkak zeintzuk ditunan ere. Saioaren amaieran Diegok Tenerifeko toponimiari buruzko bitxikeriak kontatu ditin. Ez galdu!

Hemen daukan Hiketan irratsaioaren atal berria. Bertan, hainbat kontu izan dizkinagu hizpide: ileetatik tiraka hasi gaitun eta antzezlanei buruz hizketan amaitu dinagu. Geure ohiko atalei lekutxoa eskaini diegu, eta, hala, giza gorputzari buruz aritu zaigun Goretti eta sendabelarrei buruz Elixabet. Amaieran, zinema eta antzerkia ekarri dizkinagu, Gasteizko euskarazko agendaren berri izateko asmoz.

Igaro ditun zenbait egun lurrikara latza gertatu zenetik, baina lurrikaraz baino, Kurdistanez arituko gaitun atal honen bigarren partean. Horretarako, gonbidatu berezi bat izan dinagu, Ane.
Zinemari ere eskaini zionagu tartetxoa irratsaioaren hasieran; oraingo honetan, Haneke zuzendariaren filmak izan dizkinagu hizpide. Gozatu zank!

Hiketan irratsaioaren bosgarren atala dun hau. Estitxu Villamor gonbidatu dinagu beratara, eta hark azaldu zizkigunan fusio nuklearrari buruzko azken berriak. Baita erraz ulertzeko moduan azaldu ere! Ez ezazue galdu.
Horretaz gain, tartea hartu dinagu lehen aldiz zenbait pelikula komentatzeko. Ea hik ere gustukoren bat topatzen dunan!

Berandu gabiltzank, aspaldi igo beharreko saioa hunan hau, sentitzen dinagu.

Saio honetan, Jon Hidalgo Hizpideako aurkezle ohiarekin hitz egin geninan irratiaren kontu askori buruz: nola hasi zunan Hala Bedi, nola hasi zunan bera bertan lanean, zein izan denk egindako elkarrizketarik interesgarriena eta abar. Gero, Hertzainak eta Urtaranen arteko amodiozko erlazioari buruz ere bere iritzi jakintsua eman dink Jonek.

Azkenik, Elixabetek hirusta gorria nola erabili zezakenagun azaldu zigunk.

Hementxe daukan bigarren denboraldiko 3. saioa! Atal honetan Alex Artzelus Mujika gonbidatu dinagu irratira, eta berarekin hitz egin dinagu euskarari, euskalkiei eta beste hainbati buruz. Ibaik, berriz, ‘sorioneku’ brontzezko esku ederra oinarri hartuta, hainbat zertzelada kontatu zizkigun.

Zergatik egiten dugu lo gauez? Zergatik da gosaria eguneko otordurik garrantzitsuena? Melatoninaren eta kortisolaren garrantziaz mintzatu zaigun Goretti.

Sendabelarrei buruzko atal berria estreinatu dinagu bigarren atal honetan. Badakin zer bildu udazkenean basoan onddoez gain? Astalarrosa koordenadarik gabe ere topatuko dun, eta probetxugarria dun. Gehiago jakin nahi al dun?

Diego Pallés gasteiztarra gonbidatu dinagu El Salvadorri buruz hitz egiteko; izan ere, pasa den uztailean SETEM gobernuz kanpoko erakundearekin egon zunan bertan.

Euskarari buruzko zertzeladak. Honako hau ulertzeko gai al haiz?

For you malagisona
Normandia txabe handia.
Sunbat galtsardia for.
For mi presenta for you biskusa eta sagarduna.

Gure 2. denboraldiarekin hasi gaitunk! Eta indartsu hasteko, arabarren artean (h)ika-mika sortu duen bertsoaren inguruko gure hausnarketatxoa.

Gero, giza gorputzaren sailean, galdera honi erantzun zionagu: zer dela eta botatzen dizkinagu puzkerrak?

Plater sendoena orain: Garazi Zabaletari, Argiako eta esan-erran-eko kazetaria) nafar polifazetikoari, elkarrizketa.

Eta postrea berria zekargunk: sail txiki berria. Goazemak euskararen mitoak puskatzera!

Gaurkoan, Ander Aranburu, nazioarteko analista eta Geopolitikaz ikerketa-taldeko kidea, gurean izan dinagu Ukrainako gatazkaren jatorriak aztertzeko. Bestalde, argitaratu berri duten liburuari buruz mintzatu zaigun.

Gabon, entzule! Izan al haiz sekula turista Gasteizen? Diego Pallésekin batera beste modu batera ezagutu ditinagu Gasteizko txoko zenbait. Horrez gain, atal berria estreinatu dinagu, geure gorputzak hobeto ezagutzeko asmoz. Hik nola egiten dun doministiku? Launaka ala orroka?

Gabon, entzule! Barnetegi ibiltaria zertan datzan jakin nahi den? Oskar Goldaraz gonbidatu dinagu horretarako. Plan ederra den udako oporrak pasatzeko! Eta hire etxeko armairuko gailetak zer moduzkoak ditun? Aspaldiko partez gai potolo honi heldu zionagu. Gaileten 3. rankinga dagoeneko uhinetan daukan!

Elizondoko zapatari baten ahotan Baztango megaproiektuen berri izan dinagu. Halaber, Harriri galdegin zionagu: nola jardun hiketan genero ikuspegia aintzat harturik? Amaitzeko, Aitor Zabaletak, Zegamanek, Frantziako hauteskundeen berri eman zigun. Aukera polita Ipar Euskal Herriko egoera politikoa gertuagotik ezagutzeko.

Gaurkoan, Amurrio eta Gasteizko geure esperientziak komentatu ditinagu. Horren ostean, Maddalen Subijanari deia egin diogu. Bukatzeko, korrikako zenbait kantan entzun eta komentatu ditinagu.

Gabon, entzuleok! Gaur postmodernitateari, eta ondorioz, modernitateari buruz hitz egingo dinagu. Eta horretarako guardian dagoen filosofia ekarri dinagu: Pablo, alias Txintxetru.