Sei adingabeko familia bat etxegabetu dute ostiral honetan Gasteizko Santsomendi auzoan, bizitoki alternatibarik gabe. Ehunka lagun batu dira kaleratzea eragozten saiatzeko eta familiari elkartasuna adierazteko, baina goiz osoan zehar Poliziaren karga gogorrak, atxiloketak eta zaurituak izan dira. Etxebizitza Sindikatu Sozialistak mobilizazioa deitu du 19:00etan Andre Maria Zuriaren plazan, etxegabetzea eta poliziaren errepresioa salatzeko.

JARKI antolakunde iraultzaileak, krisi kapitalistaren eta inperialismoaren inguruko jardunaldiak antolatu ditu. Jardunaldiak, asteburu honetan izango dira, urriaren 24 eta 25ean, Gasteizko Aldabe gizarte etxean.

Amurrioko lantegiko sindikatuek eta administrari konkurtsalak bilera egin dute gaur lantegian bertan, baina ez da bereziki argigarria izan.

Aske antolakundeak pasa den larunbatean atxilotutako Malen, Aratz eta haien senide eta ingurukoei elkartasuna adierazi eta hauen aurkako “muntai polizial eta mediatikoa” salatu dute prentsaurreko batean.

Israelgo bi taldeek azaroaren 17an eta abenduaren 4an Baskoniaren aurka jokatzekoak diren partidak bertan behera uzteko eskatu du plataformak. Israelek kirolaren bidez bere irudia zuritzen jarraitzen duela salatu du Palestinarekin Elkartasunak, eta boikoterako eta mobilizatzeko deia egin du.

Gasteizko Mariturri auzoko 96 etxebizitzetako maizterrek La Caixaren eta Farley inbertsio-funtsaren gehiegikeriak salatu dituzte. 2023tik Etxebizitza Sindikatu Sozialistarekin batera antolatzen ari dira, eta 2025ean auzitara jo zuten. Bizilagunek etxebizitzarako eskubidea aldarrikatu dute.

Espainiar Estatuko Fiskaltza Nagusiaren babesarekin abiatu du prozedura Arabako Fiskaltzak. Bere esanetan, 1976ko martxoaren 3ko biktimen aitortza eta erreparazioan aurrera egiteko bidea irekitzea du helburu. Martxoak 3 elkarteak adierazi du beren aldarrikapenak haratago badoaz ere ”ongi etorria” litzatekeela “egia judiziala”.

Trebiñuko Enklabea osatzen duten bi udalek atzo onartu zuten Espainiako Gobernuari Araban integratzeko galdeketa egiteko herri kontsultarako baimena eskatzea.