Covid 19ak eragindako pandemiaren egoera eta horren aurkako neurriak direla eta, ez da egingo Hala Bedi Jimmy Jazz aretoan ospatzekoa zen gabon zaharretako jaialdia, baina inauterietarako mantenduko da programazioa. Sarrerak dituztenentzako, itzultzeko edo gordetzeko aukera egongo da.
Gaurkoan egun berezia dugu, abenduak 25, Eguberri eguna. Gabonak ospatzeko, beraz, saio berezi bat dakarkizuegu, errezeta, historia, kultura, gomendio, ilusio eta kritikaz beteta. Goiz eder hau zuen konpainia onean pasatu nahi izan dugu. Berbetan izango gara, gabon zoriontsuak eta urte berri on!
Covid 19ak eragindako pandemiaren aurkako neurriek osasun larrialdiari erantzutetik urrun, autoritarismoa eta kontrol soziala areagotu dituztela salatu dute: “poliziaren presentzia inoiz baino handiagoa da eta eskubideen urraketak normalizatu egin dira”.
Abenduaren 17an SDA Factoryko Langileen Batzordeak plantillaren egoera azaldu eta mozio bat aurkeztu zuen Gasteizko Udaleko osoko bilkuran, jarduera industriala eta enplegu duina bermatzeko erakundeen inplikazioa eskatzeko. Mozioa ez zen bozkatu, eta beste bat onartu zuten EAJ, PSE eta PP alderdiek. Enpresa Batzordeak ez du begi onez ikusi onartutako mozio hori, maila berean jartzen dituelako “inposaketak ezartzen ari den” zuzendaritza eta “horiek sufritzen dituzten langileak”.
2018 Gure eduki guztiak Creative Commons Aitortu 4.0 Nazioartekoa Baimen baten mende daude.
