uztaila 2023 – 3 orrialdea

Calvoren heriotzaren lekukoa: “Gauzak argitu gabe geratu ziren”

6 uztaila, 2023 through Argia.eus | Zigor Olabarria Oleaga InAlbisteak Iruzkinak desaktibatuta daude

Calvo Ertzaintzaren Arkauteko komisarian hil zuten gauean beste atxilotu bat zegoen kalabozoetako ziegetan: M.U.M, kontrabando delitua egotzita preso zuten gizonezkoa. Calvo hil eta bost ordura egin zuen deklarazioan ertzainen bertsioa berretsi zuen oro har, eta hurrengo egunean utzi zuten libre. Urte eta erdi beranduago, ordea, epaiketan, bere abokatuak adierazi zuen M.U-k Calvo ikusi zuela “txerritxo baten gisan lotuta” eta ertzainek “errukirik gabe kolpatu zutela borrekin”. Gertaeretatik 30 urtera ARGIA lekukoarekin harremanetan jarri da. Ez du azaldu nahi izan gau hartan ikusi zuena, baina adierazi du “gauzak argitu gabe” geratu zirela.

Gezurrak, hutsuneak eta kontraesanak

6 uztaila, 2023 through Argia.eus | Zigor Olabarria Oleaga InAlbisteak Iruzkinak desaktibatuta daude

Calvo hil eta ordu batzuetara, abuztuaren 20ko goizean, heriotzaren gauean berarekin kontaktua izan zuten zortzi ertzainek deklaratu zuten gertatutakoaz, komisarian bertan. Bigarren aldiz hartu zieten deklarazioa abuztuaren 23 eta 24 artean. ARGIAk deklarazio horiek eskuratu ditu, eta Calvoren autopsia forentsearekin alderatu ditu. Ondorioa argia da: ertzainen kontakizunak bateraezinak dira Calvoren gorpuak zituen biolentzia eta gas arrastoekin. Ondorio berera heldu da ARGIAk eskatuta dokumentuak aztertu dituen forentsea ere. Segurtasun Sailaren bertsio ofizialak ertzain horien kontakizuna bere egin zuen, eta ertzainek deklaratu ez zuten daturen bat ere eman zuen.

Eh txo! : ikasturteko azkena. Hizki larriz idatzitako Historia atalean…83a gure urtea!

4 uztaila, 2023 Eh txo! Iruzkinak desaktibatuta daude

ARGIA publica nueva información sobre la muerte de Juan Calvo en manos de la Ertzaintza, cuando se cumplen 30 años de los hechos

4 uztaila, 2023 Erredakzioa InAlbisteak Iruzkinak desaktibatuta daude

El 20 de agosto de 1993 Juan Calvo Azabal falleció en la comisaría de Arkaute, en Gasteiz. El cuerpo fue encontrado con signos de violencia. Condenaron a ocho ertzainas por delitos de imprudencia. Sin embargo, nadie perdió su puesto de trabajo ni pisó la cárcel, ni hubo condenas por malos tratos o torturas. Cuando han pasado casi 30 años de los hechos, ARGIA ha afirmado que ha conseguido nuevas informaciones sobre el caso: análisis médicos y forenses del cadáver; entrevista al enfermero que atendió a Calvo antes de que apareciera el cadáver; y declaración del único testigo directo que afirma que lo ocurrido quedó sin resolver, entre otras cosas. HALA BEDI hace eco de la información publicada por ARGIA mediante la licencia libre.

Patxi Bezares, Juan Calvo artatu zuen Santiago Ospitaleko langilea: “Gorpu hura masakratua zegoen”

4 uztaila, 2023 through Argia.eus | Zigor Olabarria Oleaga InAlbisteak Iruzkinak desaktibatuta daude

1993ko abuztuaren 19ko arratsaldean Ertzaintzak Gasteizko Santiago ospitalera eraman zuen Juan Calvo, atxilotze unean eginiko zauriak artatzeko. Patxi Bezares Díaz de Tejada erizain laguntzaileak (egun zeladorea da) sendatu zizkion zauri arinak. Bera izan zen Calvo bizirik ikusi zuen azken pertsonetako bat. Hurrengo egunean lanera bueltatzean lankideek kontatu zioten Calvo goizaldean eraman zuela berriz Ertzaintzak, hila eta biolentzia arrasto nabarmenekin gorputz osoan. Gorputegira joan zen eta han ikusi zuenak inpaktu handia sortu zion, Calvori alferrikako biziberritze ariketak egin zizkioten medikuei sortu bezala. 30 urte eta gero, estreinakoz kontatu du egun hartan eta hurrengo hilabeteetan berak eta Calvorekin kontaktua izan zuten beste osasun profesional batzuek ikusi eta pairatu zituztenak. Tartean, Poliziaren jazarpena.

Juan Calvo Ertzaintzaren komisarian hila. 30 urtez ezkutatutakoa, argitara: torturaren frogak

4 uztaila, 2023 through Argia.eus | Zigor Olabarria Oleaga InAlbisteak Iruzkinak desaktibatuta daude

1993ko abuztuaren 20an, goizaldeko 5:00ak aldera, Santiago Ospitaleko larrialdietako osasun langileen talde bat Juan Calvo biziberritzen saiatu zen, alferrik: Arkauteko komisariatik hilotz irten zen bilbotarra. Medikuetako batek egindakoa aurpegiratu zien haserre poliziei, suminduta. Etxera heltzean, gogoratzen zuen guztia jaso zuen bi orriko idatzi batean, gertatua ahaztu ez zedin. Gero, ondorioen beldur, ezkutuan gorde zuen. ARGIAren eskuetan jarri du orain.

Sei hilabeteko espetxe zigorra ezarri diote ekainean epaitutako Tubacexeko langileari

4 uztaila, 2023 through Aiaraldea.eus InAlbisteak Iruzkinak desaktibatuta daude

Berez, epaiketan argi geratu zen ez zuela agintaritzaren aurkako atentaturik egin, baina sei hilabeteko espetxe zigorra eta isun ekonomikoa ezarri dizkiote atxiloketan erresistentzia erakusteagatik. Hala ere, ez da kartzelara sartu beharko, zigorrak ez baitu horretarako gutxienekoa betetzen.

100 urte, bakarrik ezin da! : Auzolana Pilotalekuak 15 urte txapa ematen!

3 uztaila, 2023 100 urte, bakarrik ezin da! Iruzkinak desaktibatuta daude

Ekainaren 27an Auzolana Pilotalekuak 15 urte bete ditu eta urteurrena ospatu du.

Uhintifada : Teresa Aranguren: «Bada okerreko ideia bat, kontakizun historiko objetiboa egiteko parte guztietako bertsioak bildu behar direla, baina ez da horrela, izan ere, badira bertsioak errealitatea estaltzeko propio sortuak direnak. Horixe da Israelgo bertsioa, gaur egun mendebaldeak ere onartzen duena, eta Palestinan herri bat dagoela ere ukatzen duena»

3 uztaila, 2023 Uhintifada Iruzkinak desaktibatuta daude

Teresa Aranguren: «Bada okerreko ideia bat, kontakizun historiko objetiboa egiteko parte guztietako bertsioak bildu behar direla, baina ez da horrela, izan ere, badira bertsioak errealitatea estaltzeko propio sortuak direnak. Horixe da Israelgo bertsioa, gaur egun mendebaldeak ere onartzen duena, eta Palestinan herri bat dagoela ere ukatzen duena»

UHINTIFADA 462. Denboraldi honetako azken atalean udarako gomendio literario bat ekarri nahi izan dizuegu. Horretarako, aurkeztu dizuegu “Palestina. El hilo de la memoria” liburua. Teresa Aranguren kazetariak 2004an idatzi zuen eta duela gutxi berrargitaratua izan da, ahatik, 19 urte geroago ez du inolako gaurkotasunik galdu. Liburu honetan Arangurenek Palestinako kolonizazioaren historiaren errepasoa egin du; XIX. mendearen bukaeran mugimendu sionista hasi zenetik; garaiko indar kolonial boteretsuenarekin, Britania Handiarekin alegia, interes bertsuak izanik, Palestina historikoaren eremuan estatu judua ezarri zutenekotik pasata; gaur egun irauten duen herri palestinarra desagertarazteko garbiketa etniko kanpainia abian jarri zuten arte.