Arabako ostalaritza sektorean lau urte daramate hitzarmenik gabe, eta egoera larri horren aurrean, LAB sindikatuak greba-egunak iragarri ditu abenduaren 5ean eta 7an.

Langile Kontrolpeko Espazioen Defentsa Komunitateak okupazioaren gaur egungo egoeraren analisia argitaratu du,"Okupazioa egungo testuinguru politikoan" izenpean.

Azaroaren 1ean, duela hilabete, elkarretaratzera deitu zuten Euskal Herriko Mugimendu Antiespezistako kideek Donostiako Aquariumean. "Erresistentzia ekintza pasiboa" izan zen arren, Ertzaintzak hiru kide atxilotu eta beste bederatzi identifikatu zituen. Ertzaintzak gertakariaren ostean hartuko dituen neurrien zain jarraitzen dute.

Euskara larrialdi egoeran dagoela adierazi dute Euskalgintza Kontseilutik. Euskaltzale elkarte askok ere, diagnosi linguistikoa zein den ikusita, larrialdia deklaratzearen alde egin dute. 2025era begira "larrialditik indarraldira" pasatzeko prozesua abiarazteko beharra azpimarratu dute, hiztun komunitate eta herritarrei ekintzara batzeko deialdia luzatuz.

Urtebete igaro da Mugimendu Feministak Greba Feminista Orokorra egin zuenetik eta zaintza sistema publiko eta komunitarioa eskatu zenetik.

Zuiako Gaztetxea rap soinuez gainezka egongo da gaur gauean, 20:30etatik aurrera, Hil Da Laboako lagunek antolatu duten bigarren kontzertu sortan.