Lorabarri astea Aramaixon, nekazal eredu berrien topa
Gure ohiko kolaboratzaile batekin hitz egiten dugu gaurkoan, Iratirekin, nekazaritza sintropikoaz zein Aramaixon antolatu duten Lorabarri asteaz.
Zein da ezberdintasuna nekazaritza ekologiko xume eta permakulturaren artean? Nagusiki lurraren zaintza eta defentsa. Produktuak berdintsuak irudi badaitezkeen ere erosle kalekumearentzat, gure herriak osatzen dituzten lurren zaintza eta iraunkortasuna ezbaitan egongo dira epe erdi-luzean. Iratik kontatzen digun bezala, ospe txarreko espezieak-eukaliptua kasu-bertako beste landare txikien babes izan daitezke gertu landatuz gero, eta hazkuntza azkarreko landarea sarri kimatuz gero, ongarri bihurtu daiteke lurzorurako. Berez, eko-etsaia ez da edozein kasutan landare “inbasorea”, baizik eta harekin egiten den erabilera-monokultiboa kasu.
Analogia bat sortuz: kapitalismo hiperindibidualista, nekazaritza industrial eta klasikoa izango litzateke, non belartzarrak eta basalandaredia akabatu behar den, apropos landatutakoa baino ez bizirauteko, bere tokian, sendo, bakarti, errepikakor. Lurzoruen desertifikazio prozesuen abiapuntua da, eta intsumo agortezinen menpe dagoen eredua dugu hau. Bestalde, permakulturaren ideiaren barruan dauden teknika ezberdinak, aniztasuna ospatzen dute, barazki, zuhaitz zein landare jangarriak bestelako lagunekin txertatuz, ingurumenaren testuingurua kontuan hartuz, eta lurraren osasuna osotasunean zainduz. Elkarrekin zaindu baino ezin gaitezkelaren islada.
Ondoren, elkarrizketa osorik:
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
