Y tú, ¿sabes qué son las corridas clitorianas?

Y tú, ¿sabes qué son las corridas clitorianas?

¿Sabes que son las “corridas clitorianas”? Parece que la que no lo tiene nada claro es Txaro Sarasua, concejala del PSE-EE en el Ayuntamiento de Laudio. No lo tiene nada claro pero pedía al Ayuntamiento la inmediata retirada de una pintada con esta frase en la plaza de toros del pueblo.

Conviene contestualizar un poco dicha pintada. El grupo “Bagara Nor” organizó en fiestas de San Roque brigadas para volver a casa. El texto explicando estas brigadas fue difundido en nombre de “mujeres bolleras” y eso fue lo que creo malestar, el nombre. Además, en paredes del pueblo aparecieron pintadas de “Bollera da bide bakarra” y las fotos de éstas se movieron en los whatsapps. 

Pero el momento cumbre fue cuándo en el pleno del Ayuntamiento llegó el turno de ruegos y preguntas. La pintada que apareció en la plaza de toros con la frase “Ante las corridas taurinas, corridas clitorianas”, la consejala del PSE-EE Txaro Sarasua preguntó hasta siete veces que significan las “corridas clitorianas” cómo se puede ver en el próximo video.

 

Bastidan eta Amurrion ere ospatuko dute Bertsolari Txapelketa Nagusia

Bastidan eta Amurrion ere ospatuko dute Bertsolari Txapelketa Nagusia

Aurrez iragarri legez, irailaren 23an hasiko da Euskal Herriko Bertsolari Txapelketa Nagusia, Baigorrin. Finalerako hitzordua, berriz, abenduaren 17an izango da Barakaldoko BECen. “Lehen aldiz aldi berean euskararen zazpi lurraldeetan” eta Araban ere ospatuko dituzte kanporaketak: Amurrion eta Bastidan.

Argia.eus bidez

Ez da sinbolismo hutsa, bertsolaritza bizirik egotearen isla baizik. Hala azaldu du Iñaki Murua Bertsozale Elkarteko lehendakariak Bertsolari Txapelketa Nagusia Euskal Herriko zazpi herrialdetara joatea. Baigorri, Segura, Leitza, Zalla, Zumaia, Tolosa , Bastida, Irun, Maule-Lextarre, Durango, Amurrio, Donibane Lohizune, Iruñea eta Barakaldok hartuko dituzte saioak. “Guzti horietan presente dago bertsolaritza, moduren batean edo bestean”, adierazi du Jokin Castaños txapelketaren talde antolatzaileko kideak.  

Castaños eta Muruarekin batera aurkezpenean izan dira Hegoaldeko lau herrialdeetako bertsozale elkarteetako lehendakariak, eta Iparraldeko Bertsularien Lagunak elkartekoa. Nabarmendu nahi izan dute txapelketa nagusia ez dela lau urtean behineko gertakari isolatua, egunero bertsolaritza bultzatzeko egiten den lanaren ondorioa bizik.

43 bertsolarik, hogei epailek eta hamazortzi gai jartzailek parte hartuko dute txapelketan. Azaldu dutenez, aurreko edizioko finalistetako batek, Unai Iturriagak, ez du aurtengorako izena eman, eta inork ez du hura ordezkatuko.

Finalerdia, bi txanpatan 

Lehenik sei final laurden jokatuko dira, eta ondoren finalerdiak, bi fasetan banatuta. Bi horien artean puntu gehien lortzen duten zazpi bertsolariak Amets Arzallus egungo txapeldunarekin batera arituko dira BECeko finalean. Saio guztiak arratsaldeko 17:00etan hasiko dira, finala izan ezik.

Final laurdenetarako sarrerak eskuragarri daude jada nahi duen ororentzat (www.bertsosarrerak.eus atarian). Finalerdi eta finalekoak, berriz, Bertsozale Elkarteko bazkideek baino ezin izango dituzte eskuratu urriaren 2ra bitartean.

 

“Vitoria, 3 de Marzo” pelikularen detaile gehiago eman dituzte jakitera

“Vitoria, 3 de Marzo” pelikularen detaile gehiago eman dituzte jakitera

Urriaren 9an hasiko dira 90 minutu iraungo duen pelikula grabatzen; bost edo sei aste iraungo dute grabaketa lanek. Amaia Aberasturi, Ruth Diaz, Jose Manuel Seda, Alberto Berzal, Mikel Iglesias, Iñaki Rikarte, Oti Manzano, Iñigo de la Iglesia eta Asier Macazaga izango dira aktoresa eta aktore nagusiak.

Kastingak martxan jarri ostean, gero eta detaile gehiago dakizkigu “Vitoria, 3 de Marzo” pelikularen inguruan. Gasteizen eskainitako prentsaurreko batean, pelikularen aktore, aktoresak, zuzendaria eta pelikularen sinopsia eman dituzte jakitera. Horretaz gain, gertakarien sozializaziorako proiektua izango dela azaldu dute, memorian euren aletxoa jartzeko asmoz.

Aktoresak, aktoreak eta taldeko gainontzeko kideak

Fikzioa oinarri izango duen pelikulak 90 minutuko iraupena izateko aurreikuspena dute. Sonora Estudiosek Gariza Filmekin batera egingo ditu produkzio lanak eta urriaren 9an hasiko dira grabaketa lanak. Bost edo sei astez luzatuko den grabaketa Gasteizen egngo da: soilik Gasteizen.

Fitxa artistikoari dagokionez, Pako Ruizek, Oskar Bañuelosek eta Asier Bilbaok egingo dituzte produktore exekutibo lanak. Zuzendariari dagokionez, aspaldi iragarri zuten bezala, Victor Cabacok egingo ditu lanak, gidoia Hector Amado eta Juan Ibarrondoren esku geratuko den bitartean.

Aktore eta aktoresei dagokienez, Amaia Aberasturi, Ruth Diaz, Jose Manuel Seda, Alberto Berzal, Mikel Iglesias, Iñaki Rikarte, Oti Manzano, Iñigo de la Iglesia eta Asier Macazaga egongo dira kameren aurrean.

Sinopsia

1976. Gasteiz hiri lasai zen, “apaizen eta militarren” hiriburua. Jose Luisek ez zuen imaginatzen urte horretan gertatuko zena; kazetaria zen, hiriburuko irrati txiki batean. Gutxik espero zuten 1976an urte klabeetako bat izango zenik. Bere alaba, begoña, protagonistetako beste bat da; protagonista eta egun horietako biktima izango da Begoña.

Etengabeko aldaketan zegoen Gasteiz. Langileek lan baldintza hobeak nahi zituzten, aldaketa sozialak eta politikoa aldarrikatzen zuten bitartean. Denetarako zeuden prest langileak. 

Begoña, historia honen protagonista nagusia, ezin da gertatzen ari denarekin mutu geratu. Kontzientzia soziala hartzen joango da, bere gurasoek, Jose Luisek eta Anak, berdina egiten duten bitartean.

Gertatu zena aski ezaguna da: bost langile erahil zituen poliziak 1976ko Martxoaren 3an. Betirako geratu da grabatua egun hori Gasteizen.

Memoria alea

Agerraldian azaldu dutenez, “”Vitoria, 3 de Marzo” pelikula proiektu serio bat da. Berme historikoa dugu eta beharrezko pelikula da. Sozializaziorako proiektu zinematografikoa da”. Proiektua egiteko, garaiko dokumentazioa baliatu dute, egun haiek bizi izna zituzten pertsonen bizipenak elkarbanatzearekin batera.

Gainera, “gaur egungo eta etorkizuneko belaunaldiek Martxoaren 3an gertatu zena ezagutzeko eskubidea” dutela aldarrikatu dute. “Pelikula ikusi ostean, gazteek galdetzea, irakurtzea, entzutea, informatzea… ere da pelikularen asmoa”. Eta, nahiz eta Gasteizen gertatutako zeozer izan, munduko beste toki askotan antzeko gertaerak eman dira, Derryn kasu. Pelikula honekin ere, nazioarteko antzeko gertaera ezberdinak ikuspuntu kritikoago batekin begiratzen lagundu dezake.

Euskal Herriko instituzioetan poliziaren biktimen inguruan hasi da eztabaidatzen, gutxinaka-gutxinaka bada ere. Martxoaren 3ak Euskal Herrian “batasun handiena eragiten duen eguna da”. Antolatzaileek argitu dutenez, “Martxoaren 3a siglen gainetik dago”

Sare sozialak ere, martxan

Aurkezpena egitearekin batera, sare sozialak martxan jarri dituzte. @Vitoria3Mfilm da Twitter kontua eta Vitoria, 3 de Marzo – Film Facebookekoa.

Martxoak 3 elkarteko kideak ere hurbildu dira agerraldira

 

 

 

 

 

Eraso homofobo berri bat salatu du TransBolloMarika Sareak eta kalera aterako dira asteazkenean

Eraso homofobo berri bat salatu du TransBolloMarika Sareak eta kalera aterako dira asteazkenean

Gasteizko TransBolloMarika Sareak jakin duenez, Gasteizko jaietan gazte bat erasotu zuten: hainbat kolpe jaso zituen eta horren ondorioz aurpegia nabarmen markatua utzi zioten. Udan zehar, TransBolloMarika Sareak erregistratu duen laugarren erasoa da. Elkarretaratzea deitu dute asteazkenean.

Hilabete bat baino gehiago pasa den arren, TransBolloMarika Sareak Gasteizko jaietako eraso homofobo baten berri izan du. Gazte bat erasotu zuten, aurpegian kolpatu eta horren ondorioz, aurpegia guztiz markatuta utzi.

 

Hala ere, ez da udako eraso homofobo bakarra izan. TransBolloMarika Sareak jakitera eman duenez, lau erasoren berri izan dute udan guztian zehar. Azken erasoa izan den eremu berdinean etengabeko irainak salatu ditu sareak: “Kasualidadea edo, erasoko eremua hainbat eraikin instituzionaletatik gertu dago, beraz, kamerek, poliziek eta segutasun indarrek erabat zaindutako zonaldea da”, salatu dute. “Non daude udal zerbitzuak horrelako egoeratan? Zer nolako zaintza agindu eta eman da eremu honetan? Zelan gerta daiteke eraikin instituzionalak biltzen diren lekutik horren gertu erasoak etengabeak izatea eta inork ezer ez egitea?”, galdetu dute.

 

Udalaren jarrera ere salatu dute, Nazioarteko Egun bakoitzean adierazpen instituzionalak soilik egiten dituztela kritikatuz. “Erakunde inplikatu orori eraso homolesbotransfoboak ekiditeko lan egin dezaten eskatzen eta exijitzen diegu. Indarrean dauden protokoloak aktiba ditzaten, hauek hobetuz, Gasteiz askatasunez eta errespetuz bizi ahal izateko hiria izan dadin”, gaineratu dute.

 

Beste behin ere, Transbollomarika Saretik erasoak pairatu dituzten lagunei edo erasoen lekuko izan direnei haiekin harremanetan jartzeko eskatu dute, telefono zenbakia gogoratuz: 633 309 563. “Edozein adierazpen homofobo, lesbofobo edo transfoboren aurrean komisaldegian edo epaitegian salaketa jartzeak ezinbesteko garrantzia du eta horretarako Sare honek bere ateak zabalik ditu, laguntza edo aholkularitza emanez behar duen edonorentzat”.

Elkarretaratzea, asteazkenean 20:00etan

1

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies