Sinadura bilketa martxan, AHT Arabar Errioxatik ez pasatzeko
AHT Arabar Errioxatik pasatzeko mehatxuaren aurrean, herritarrak antolatzen hasi dira. change.org atarian sinadura bilketa martxan jartzea ekimenetako bat izan da.
Miranda de Ebro eta Logroño lotuko ditu Abiadura Handiko Trenak. Espainiako Gobernuak lau ibilbide ezberdin aurkeztu ditu, eta horietako bik Arabar Errioxa zeharkatzen dute.
Herritarrak haserretu ditu albisteak, baina ardogintzaren sektorea haserre egoteaz gain, oso arduratuta dago. Are gehiago, Arabar Errioxako herri esanguratsuena mehatxupean dago: Bastida.
Upategi eta mahastizain txikien elkarteak salatu duenez, “eskualdeko ardogintza bizirik dagoen kultur ondare historikoa da, babestu beharrekoa. Ingurumenarentzat, gizartearentzat, ekonomiarentzat eta kulturarentzat ekarriko lituzkeen galerak hain handiak lirateke, ezen eskualdea eta sektorea desagertu egingo bailirateke orain ezagutzen ditugun moduan”. Zentzu honetan, erakunde ezberdinei batera erantzuteko deia egin diete.
Mehatxupean dauden beste bi herri Zanbrana eta Buradon Gatzaga izango lirateke: lau proposamenetako batek Mañueta, Villabuena, Eltziego eta Lapuebla de Labarcaren lurrak igaroko lituzke, Logroñora heldu aurretik. Samaniego, Leza, Navaridas, Paganos eta Guardia, adliz, ibilbidetik apur bat aldenduta geratuko liratezke, baina AHTren eragina pairatuz.
Mehatxu honen aurrean, herritarrak antolatzen hasi dira. Ekimenetako bat change.org atarian sinadura bilketa martxan jartzea izan da. Lerro hauek bukatu aurretik 4.000 sinaduratik lortu dituzte.
Orain, lau proiektuetatik zein aukeratzen duten ikusteke dago, ibilbide merkeena eta laburrena delako eskualdeari gehien eragiten diona: 57 kilometro izango lituzke, 4,8km lur azpian, eta beste 7,2km zubibideetan; eta 710 milioi euroko aurrekontua luke. Lau proiektuetatik, bik Arabar Errioxa mehatxatzen dute. beste biek, ordez, ez. Hori bai, mehatxua ez diren beste bi horiek ibilbide luzeagoa beharko lukete Logroño eta Miranda de Ebro lotzeko.
Mobilizazioak ere Añanan
AHTren inguruko kezka Añanan ere zabaldu da, izan ere, Koadrila horretatik Burgos-Gasteiz linea pasatuko da. Egitasmoa abenduaren bukaeran aurkeztu zen, eta kontzeju batzuk aurka agertu dira, besteak beste, Manzanos, Erriberako Quintanilla eta Leziñana Oka.
Lehenengo manifestazioa igandean egingo dute, urtarrilaren 21ean. ‘Abiadura Handiko Trena, beste alternatiba batzuk posible dira’ lemapean mobilizazioa egingo dute Ribabellosan 12:00etan: herriko gizarte-etxetik abiatuko da.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
