Larrialdiak artatzeko Osakidetzak martxan duen eredua kritikatu du Osasun Publikoa Aurrera plataformak. Etengabeko arreta guneak eta lehen mailako arreta indartzeko exijitu dute, arazoak bideratzeko.

Greba jarraipen zabala izaten ari dela nabarmendu du sindikatuak. Hainbat mobilizazio egingo dituzte langileek aste honetan.

VOX alderdiaren aurkako ekimenak burutu dira Gasteizen. Horren berri ematen duen bideoa jaso du Hala Bedik. "Euskal Herritik ez dira pasako, gazteok Euskal Herria antifaxista" leloa du atxikitua.

Itsaso eta Oierrek egungo erroldaren errealitatea azaltzen digute eta Gasteizko Udalaren politikak salatu.

Enpresako zuzendaritzak oharra bidali die komunikabideei lan gatazkaren inguruan duen iritzia plazaratzeko, eta LABek erantzun egin die adierazpen horiei. Sindikatuaren aburuz, jarraipen zabala izan du bigarren greba egunak.

Elkarteak berretsi du "udalaren borondate faltak" Izaskun Arrue Kulturunea "kolokan" utzi duela. "Udalak sortutako arazoari udalak aurkitu beharko dio irtenbidea".

Atxilotuak mitinaren perimetrotik kanpo zeuden, inolako jarrera susmagarririk gabe, lekukoen arabera. Hala ere, poliziak bat-batean biak identifikatzeko eskatu eta segituan atxilotu ditu.

UAGAko berrogei bat traktorek Gasteizko hiri erdia zeharkatu dute goizean. Hauteskundeen atarian, erantzunen zain jarraitzen dutela ohartarazi dute.