Iturrietako mendietan eraiki zuten 82 metroko dorre meteorologikoa bota dute
Erorita agertu da gaur goizaldean, urtarrilak 10, Arraia-Maeztuko Onraita herrian zegoen 82 metortako dorre meteorologikoa. Udalak ingurumen-inpaktu ebaluazioa egin gabe altxatu zuen dorrea eta herritarren haserrea piztu zuen. Lautadako herrietan Iturrietako mendien aldeko asanbladak sortu dituzte.
Onraitako dorre meteorologikoa gaur goizaldean
Azaroan abiatu zituzten Onraita herrian 82 metroko dorre meteorologiko bat jartzeko lanak. Arraia-Maeztuko udalak dekretu bidez baimendu zuen dorrea altxatzea aurretik inongo ingurumen ebaluaziorik burutu gabe. Gaur goizaldean erorita agertu da dorre meteorologikoa.
Obrak abiatu zirenean lanen obren berehalako etetea eskatu zuten talde ekologistek, honek ingurumenean eragin ditzazkeen kalteen gaineko ebaluazio txostena osatua izan arte. Dorrea interes ekologiko handiko leku batean jarria zegoen, Kontserbaziorako Babes Bereziko enklabean. Natura 2000 Sarearen baitan, babestutako eremu bezala dago katalogatuta zonaldea, bertako akuiferoek duten kalteberatasuna dela eta.
Lautadako hainbat herritan asanbladak antolatu dituzte proiektuaren etetea eskatzeko. Agurainen gaur bertan egingo dute lehenengo asanblada irekia, 18:00etan udaletxean. EH Bilduk ere nraitako dorrearen obra lizentzia baliogabetzea eta lanak gelditzea eskatu zuen Arabako Batzar Nagusietan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
