Amorrua, gaitzespena eta nazka, Arabako plazetara
Eraso eta erailketa matxistak gaitzesteko, bi elkarretaratze ezberdin egin zituzten urriaren 2ko arratsaldean. Euskal Herriko azken erailketa matxista salatu zuten Gasteizen; Aguraingo jaietan neska gazte bat erasotu zuten asteburuan eta hau salatu zuten herrian, elkarretaratze oso jendetsu batekin.
Aguraingo elkarretaratzea
Berriz ere kalera atera behar izan dira hamaika lagun Araban, Mugimendu Feministak egindako deialdiak babestuz. “Nazkatuta” agertu dira Mugimendu Feministako kideak eta erasoak gaitzesteaz gain urrats gehiago emateko eskatu diete instituzioei eta gizarteari orokorrean.
Agurainen, adibidez, herriko jaietako eraso matxista salatu zuten dozenaka lagunek. Izan ere, larunbatean, jaietako lehenengo egunean, gaueko ordu txikitan, emakume gazte batek eraso sexista bat sufritu zuen Agurainen. Mugimendu Feministatik azaldu dutenez, “erasotzaileak emakumea bakarrik zegoela aprobetxatu zuen hura erasotzeko”. Jaietako ekuatorean, erasoa salatzeko eta elkarretaratzera batzeko, herriko tabernariek tabernak itxi zituzten.
Gasteizen ere, Euskal Herriko Emakumeen Mundu Martxak deituta, azken erailketa matxista salatzeko atera ziren kalera: aurreko astean Noelia Noemi erail zuten Bizkaiko Sestao herrian. Gasteizko elkarretaratzean, hau salatzeaz gain, antolatzeko deia egin zieten Gasteizko emakumeei.
Gasteizko elkarretaratzea
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
