Arabako Ostalaritzako Hitzarmen berriak langileen soldatak eta eskubideak murriztuko ditu
Joan den astean sinatu zen akordio berria. Ostalaritzako Langile Asanbladak langileentzako "bi kalte" ekarriko dituela salatu du, eta "langileen antolaketa eta elkartasuna eraso horietatik defendatzeko bide bakarra direla" aldarrikatu du.
Argazkia: OLA
Urtarrilaren 22an Arabako Ostalaritzako Hitzarmen berria sinatu zuten sektoreko sindikatuek eta patronalak. Hala ere, Ostalaritza Langile Asanbladak (OLA) “oso balorazio negatiboa” egin du. Asanbladatik ohartarazi dutenez, hitzarmenak ez du “inolako hobekuntzarik izango” euren lan baldintzetan, eta kontrara, “bi kalte” ekarriko ditu behin indarrean sartzen denean.
OLAk azaldu duenez, baja hartzeko eskubidea murriztuko du akordio berriak. Gaur egun, langileek soldataren %100 jasotzen dute bajan dauden lehenengo hiru egunetan. Hitzarmen berriak, ordea, enpresaren prestazioak ezabatuko ditu lehenengo hiru egun horietan, “langileen bizi kalitateak okerrera eginez”. Enpresariek neurria absentismo arazo baten aitzakiapean justifikatu dute, “langileak arbitrarioki kriminalizatuz”. OLAk salatu duenez, neurri honekin langileak arriskuan geratzen dira eta gaixorik daudela lan egitera behartzen dituzte, dirua ez galtzeko.
Bigarrenik, hitzarmenak “soldata igoera engainagarriak” ezartzen dituela seinalatu du OLAk. Hitzartutako soldata igoerak ez du berreskuratuko soldatek galdu duten balioa. Aitzitik, langileek ez dute “berreskuratuko langileek galdu duten erosteko ahalmena, eta horrek soldata murriztea dakar”, azaldu dute asanbladako kideek. Izan ere, 2021ean izoztu ziren soldatak, eta ordutik KPIa %23koa den bitartean, soldatak bakarrik %17 igoko dira, gutxi gorabehera.
Sindikatuek negoziazioaren “oso balorazio positiboa” egin dute, baina OLAtik ohartarazi dutenez, negoziazio hauek “isilpean” egin dira, sektoreko langileei bizkarra emanez. Gauzak horrela, langileen ongizateak enpresarien irabaziek baino gehiago balio duela aldarrikatu du OLAk, eta dei egin die sektoreko langileei beraiekin antolatzera.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
