30 urtez azpiko bost kide izan ditu aldamenean Viñasprek. Oholtzako lagunak gintonic, marianito eta abarrekin deskribatu ditu hasierako agurrean, eta bere buruaz “carajillo” edo kafe-pattarra esan du. Jendearen barreak eragin ditu. Oro har jostari aritu da ariketaz ariketa, zukua umoretik ateratzen. Guztira 1.141 puntu osatu ditu. Buruz burukoan estreinako finala izan duen Unai Andarekin aritu da (1124,5 puntu). Honela gelditu da sailkapen segida: Peru Abarrategi (749,5), Aroa Arrizubieta (749), Maddi Agirre (740,5) eta Martin Abarrategi (710). Andaz gain, azken bi horientzat ere estreinako finala izan da. Irati Martinez Izaga aritu da gaiak ematen.

Ostiral arratsaldean lanean ari zen behargin batek bere bizia galdu zuen Durruman. Euskal Herrian, gutxienez, hamasei lan heriotza erregistratu dituzte urtea hasi zenetik.

Gasteizko Europa jauregian larunbatean jokatuko den Arabako Bertsolari Txapelketako finala aurkeztu du Arabako Bertsozale Elkarteak. 17:30etan hasiko da bertso saioa, eta Martxoak 3 elkarteko kide batek jantziko dio txapela irabazleari.

Arabako herri-mugimenduak landa-eremuaren industrializazioari dion gaitzespen historikoa berretsi du eta herritarrak maiatzaren 23an Gasteizen egingo den mobilizazio orokorrera deitu ditu.

Sindikatuen arabera, aurten jada 14 langile hil dira lan istripuz Euskal Herrian. Elkarretaratzea egingo dute enpresaren aurrean istripua salatzeko.

Gasteizko kale eta plazak dantza, kolore eta musikaz blai izango dira datorren larunbatean, martxoaren 28an. 36. Arabako Eskolarteko Euskal Dantza Topaketa ospatuko da, eta 5 eta 15 urte bitarteko 200 dantzarik hartuko dute parte.