Mozal Legea aplikatu die Gasteizko Udalak U30eko bi grebalariri
Mozal Legea “indargabetzearen alde” dagoela azaldu du Marian Gutiérrez Segurtasun zinegotziak, baina indarrean dagoen bitartean ez aplikatzea “delitua” litzatekeela eta “Zaballako espetxean” amaituko lukeela. Horrez gain, grebarekin lotuta zortzi gasteiztar auzipetzeko eskatu dio Udalak guardia epaitegiari. through Argia.eus
Hainbat herritar identifikatu eta kolpatu zituen Gasteizko Udaltzaingoak urtarrilaren 30eko greban. Irudia: ARGIA.
Otsaileko Segurtasunaren eta Udal Administrazioaren ohiko Batzordeak askorako eman zuen Gasteizko Udalean. Puntu nagusietako bat urtarrilaren 30ean Udaltzaingoak izan zuen jarrera bortitza zen. Besteak beste, kazetari baten lana indarrez oztopatu eta herritar bat arrazoirik gabe kolpatu zuen udaltzain batek. Gutiérrezek udaltzainaren jarduera orbangabea izan zela defendatu zuen irmoki, hainbat bideok kontrakoa erakutsi arren.
Udaltzainari zigorrik ez ezartzeaz gain, hainbat herritarren aurkako ekinbideak abiarazi dituela jakinarazi zuen Gutiérrezek, EH Bildu taldearen galderei erantzunez. Gutiérrez PSEko kidea da, EAJ-PSEk gobernatzen dute Gasteizko Udala koalizioan. EH Bilduko Iratxe López de Aberasturik gogorarazi zion PSOEk Mozal Legea gogor kritikatu duela “estatu poliziala berrezartzea” dakarrelako, baita PSEk zein EAJk hura ez aplikatzeko konpromisoa sinatu zutela Gasteizko Legebiltzarrean, PP salbu gainontzeko talde politikoekin batera –2018ko maiatzean Eleak/Libre mugimenduak mozioa aurkeztu zuen Udalean Mozal Legearen aurka, baina EAJk eta PSEk aurka bozkatu zuten–.
Udalak identifikatutako bi pertsonen aurka Mozal Legea abiatu duela iragarri zuen Gutiérrezek, “arau hausteengatik”. Lege horren aurka dagoela baina aplikatu ezean Zaballako kartzelan amaituko lukeela erantzun zion López de Aberasturiri: “Nigatik indargabetuta legoke [Mozal Legea], baina ezin dut ez-ikusiarena egin, nahi duzuna ez bada nik delitu bat burutzea eta Zaballan amaitzea. Horren sinplea da”. Legeak ez ditu behartzen ez polizia ez administrazioa, ordea, bide administratibotik zigorra abiatzera; borondate propioz abiatzen den edo ez den ekimena da.
Gutiérrezek uko egin zion zigortuetako bat udaltzainak jazarri zuen Hala Bediko kazetaria den edo ez erantzuteari, datuak pribatuak direla argudiatuta.
Zortzi herritar epaitegira
Urtarrilaren 30eko grebalarien aurka Udalak bestelako neurri errepresiboak ere hartu dituela jakinarazi zuen Segurtasun zinegotziak. Gasteizko guardia epaitegiari eskatu dio zortzi gasteiztar auzipetzeko, desordena publikoak egotzita.
Albiste hau Argia.eus atarian argitaratu da eta Creative Commons lizentzia erabilita ekarri dugu gurera.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
