Javier Pérez de Nanclares omenduko dute abenduaren 16an Gasteizen
Javier Pérez de Nanclares Apaolaza euskal militantea eta errefuxiatu politiko ohia omenduko dute abenduaren 16an Gasteizen. Omenaldia, Auzolana pilotalekuan izango da, 19:00etan.
Azaroaren 18an hil zen Pérez de Nanclares, Mexikon: 59 urte zituen eta hilabete bat beranduago Kalera Kalera!-k omenduko du.
1978an egin zuen ihes Hego Euskal Herritik eta 1979an Venezuelan kokatu zuen bere burua, baina 1982an Ipar Euskal Herrira itzuli zen. Urtebete beranduago, 1983an, Frantzian espetxeratu zuten baina 1985ean libre geratu zen.
1987an egin zuen ihes Mexikora, eta hor egon da bizitzen gaur egun arte. Guztira, beraz, 30 urte eman ditu Mexikon. Azaroaren hasieran, bihotzekoak eman zion eta Zaintza Berezietako Unitatean egon zen koma induzituan, hil egin zen arte.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
