Zigoitiako cruising gune bateko eraso homofoboa salatu dute
Lumagorri taldeak, Zigoitiako cruising gune batean gertatutako eraso homofobo baten berri izan zuen abuztu hasieran. Gertaera abuztuaren 5ean izan zen, egunsentian. Elkarte honek jakin duenez, hainbat norbanako kotxez hurbildu ziren aipatutako cruising esparrura, inguruan aparkaturik zeuden kotxeetan hainbat kalte sortuz eta bertan zeuden lagunen kontra oldartuz oihuz, laidoka eta harriak jaurtiz.
Abuztuaren 10ean Zigoitian egindako elkarretaratzea
Informazio gehiago biltzeko asmoz, erasoa ikusi zuten lekukoak eta kalteak jaso zituzten norbanakoak 633 309 653 telefonoaren bidez Lumagorrirekin harremanetan jartzera deitu ditu elkarteak. Izan ere, Lumagorri elkartea Gasteizko jaietan zehar hiri osoan, eta bereziki jendetza bildu ohi den guneetan, aipatutako telefonoa hedatzeko saiakera berezia egiten ari da kartel eta beste euskarri batzuk baliatuz horretarako.
Behin jaiak amaituta, elkarretaratzea egin dute Zigoitian bertan, abuztuaren 10ean.
Lumagorrik sexu orientazio edo genero identitatearengatik erasotuak diren lagun guztiak babesteko duen konpromisoa berretsi du.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
