TXIKIZIOA ARAMAION, INOIZ BAINO NABARMENAGOA
AHTaren lanek eragindako txikizioa lehendik nabarmena ez bazen, azkeneko asteetan jasangaitza izateraino handitu da Aramaion. Lanek eragindako lurjausi baten ondorioz Aramaiotik Arrasatera doan bidea itxi behar izan dute, eta trafikoa auzo arteko bide estuetatik desbideratu. Ondorioak ez dira bromatakoak: auzotarren kexak, 15 istriputik gora lau egunetan, desbideratzeak eragindako denbora-galerak…Lanen arduradunen esanetan, urtebeterako errepidea itxita egotea aurreikusten da. Udalaren ustez, egoera jasangaitza da, eta errepidea beste moduren batean desbideratzea ari da pentsatzen.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
