Etxeratek hilabeteko azken ostiraletan egiten dituen Euskal Preso Politikoen etxeratzearen aldeko elkarretaratzeak deitu ditu berriz. Martxoan eta apirilean ezin izan ziren mobilizazioak burutu Covid-19ak sortutako egoeraren ondorioz.

Ekainaren 6an 'streaming' bidez zabalduko ditu ateak Gasteizko Jimmy Jazz aretoak "EHan SORTUA" jaialdiarekin. Arkada Social, Brigade Loco, Rotten XIII eta The Guilty Brigade taldeak arituko dira oholtza gainean. Kontzertua doakoa izango da baina borondatezko ekarpenak egiteko aukera egongo da.

Bakearen eta Armagabetzearen aldeko Emakumeen Nazioarteko Eguna ospatu zen atzo, maiatzak 24, eta zenbait talde feministek eta antimilitaristek elkarretaratzea egin zuten Andra Mari Zuriaren Plazan.

Gasteizko PSOE eta PODEMOS alderdien egoitzetara hurbildu da herritar talde bat gaur eguerdian. Patxi Ruiz euskal preso politikoak aurrera daraman gose eta egarri grebaren aldarrikapenei erantzuteko eskatu diete bi egoitzetan utzitako gutunen bidez.

[:es]Konfinamenduaren eraginez ikasleek bizi duten egoera ezagutzeko galdetegia jarri zuen martxan Ikasleen Gasteizko Autodefentsa Sareak eta 880 erantzun jaso ditu orotara. Galdetegien ondorioetatik abiatuta zenbait aldarrikapen jarri dituzte mahai-gainean, tartean "kalse presentzialetara ez itzultzea".

[:es]Gasteizko Amnistiaren Aldeko eta Errepresioaren Kontrako Mugimenduak manifestazioa burutu du gaur Murtzia II espetxean gose eta egarri greban dagoen Patxi Ruiz euskal preso politikoarekin elkartasuna adierazteko, ehunka lagun batu dira.

[:es]10 egun beteko ditu Patxi Ruiz euskal preso politikoak gose eta egarri greban. Elkartasun keinuak ugaritzen doaz Gasteizen: Astelehenean abiatutako txandakako baraualdira 50 lagun batuko dira eta gaur arratsaldeko 20:30etan manifestazioa deitu du Aministiaren Aldeko eta Errepresioaren Kontrako Mugimenduak.

[:es]Denbora tarte laburrean ARGIAko eta HALA BEDIko kazetarien lana oztopatu du Poliziak Gasteizen. Maiatzaren 7an Gasteizko udaltzain batek ARGIAko kazetariak etxegabetze batekin erlazionatutako polizia operazioaren irudiak hartzea ekidin nahi izan zuen. Maiatzaren 8an, Talka espazio okupatu feministaren desalojoaren aurkako protestez informatzeko trabak jarri zizkion Ertzaintzak HALA BEDIko kazetariari. Bi kasuetan, mehatxuak eta gezurrak erabili ditu poliziak. Kazetarien Euskal Elkargoak (KEE) eta Euskal Kazetarien Elkarteak (EKE) babesa adierazi diete bi hedabideei. ARGIAk eta HALA BEDIk elkarrekin poliziaren jarrera salatuko dugu Sindikoan eta Arartekoan, eta KEE eta EKE elkarteak izango ditugu ondoan