Gasteizko Itaiak hainbat auzotako jaietarako antolatu ditu Etxeratze Kolektiboak. Ordu zehatzetan etxera taldean itzultzeko aukera ematen duen tresna direla azaldu dute, erasoak saihestu eta emakume langileak independentziaz antolatzeko gaitasuna handitzeko bidean.

Asteazkenean, bi astetan laugarren aldiz, Mercedeseko greba orokorrak produkzio katea gelditu zuen. Enpresa batzordean %45eko ordezkaritza duten ELA, LAB eta ESKk deituta, langileen %95ak egin zuen greba. Ostegun eta ostiralean ere greba dago deituta, eta ostegun goizean bilera berria dute sindikatuek eta zuzendaritzak. Ezin jakin oraindik zertan amaituko den lan hitzarmen berriaren negoziazioa, baina nabaria da bi asteotan indar harremana langileen alde eraldatu dela. Gatazkaren egoeraz eta langileen borrokaz hitz egin dugu enpresa batzordeko eta LABeko kide Mikel Díaz de Aldarekin. Enpresaren sarreratik erantzun ditu gure galderak, asteazken gaueko piketean dagoela.

Mercedesen greba eguna da gaur, aste honetako bigarrena. Zuzendaritzaren mehatxuak gora behera, masiboa ari da izaten greben eta mobilizazioen jarraipena.

ELA, CCOO, LAB, ESK eta UGTk langileen erosteko ahalmena bermatzeko negoziazioen blokeoa salatu dute.