Lakuako jaietan ere izango dira Etxeratze Kolektiboak
Gasteizko Itaiak hainbat auzotako jaietarako antolatu ditu Etxeratze Kolektiboak. Ordu zehatzetan etxera taldean itzultzeko aukera ematen duen tresna direla azaldu dute, erasoak saihestu eta emakume langileak independentziaz antolatzeko gaitasuna handitzeko bidean.
Udan, jaietan, emakume langileen kontrako indarkeria areagotu egiten dela azaldu du Gasteizko Itaiak, «hipersexualizazioa, drogen kontsumo edo harreman-ereduen ondorioz». Testuinguru horretan, emakume langileen «babeserako tresnak garatzea» urgentziazkoa dela deritzote.
Horretarako jarri dituzte martxan Etxeratze Kolektiboak. Aranbizkarrako jaietan egin zuten bezala, Lakuakoetan ere pankarta batean jarriko dituzte ordu eta lekuak, baina sare sozialetan ere zabaldu dute:
- Ostiralean, uztailak 8, Barrutiako hesitik aterako dira 2:00etan eta 4:00etan.
- Larunbatean, hilak 9, leku beretik eta ordu beretan.
Etxeratze Kolektiboak, emakume langileak etxera seguru itzultzeko
Itaiak azaldu duenez, Etxeratze kolektiboak erasoak saihesteko eta emakume langileak etxera seguru itzultzeko tresna dira, ordu zehatzetan etxera taldean itzultzeko zitak. Indarkeria matxista desagertzeko aurrerapausoak ematea eta emakume langileak independentziaz antolatzeko gaitasuna handitzea ditu helburu tresna hori garatzeak.
Lakuako jaiak
Uztailaren 8, 9 eta 10ean ospatuko dira Lakuako jaiak, asteburu osoan zehar. Ostegun arratsaldean, 18:30etan, txosna irekiera egingo da. Hortik aurrera, pilota partida eta kontzertu zein DJek girotuko dute gaua. Larunbatean egun osoko egitaraua antolatu dute, goizetik hasita. Bazkaria ere egongo da: tiketak Galeon tabernan daude eskuragarri.
Igandean ere 13:00etan hasiko da programazioa. Arratsaldean kontzertuak eta aizkolariak izango dira, jaiak bukatzeko.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
