Literaturzale Feministen Topaketak egingo dituzte Gasteizen
Sareinak taldeak antolatu ditu topaketak. Uztailaren 1 eta 2an izango dira Gasteizko Emakumeen Etxean.
2022ko uztailaren 1ean eta 2an Literaturzale Feministen Topaketak egingo dira Gasteizen. Sareinak taldeak antolatu ditu Gasteizko Emakumeen Etxearen laguntzarekin. Sereinak hainbat literatura kritikari, irakasle eta zalek sortu zuten orain hamabost urte baino gehiago. Euskararen munduan literatura eta metodologia feminista uztartzea bilatzen zuten, eta emakume idazleen lanak zabaltzea.
Bi eguneko jardunaldietan euskal literatura aztertzea dute helburu, iraganari nahiz orainari begiratuz. Betiere ikuspegi feminista batetik egingo dute berrikuspena, eta “etorkizunari nola heldu” ere izango dute hizpide.
Parte hartuko dute idazle, irakasle, argitaratzaile, irakurle zein literaturzaleek; eta hitzaldiak, mahai-inguruak, lantegiak, kultur ekitaldiak eta omenaldi bat antolatu dituzte. Azaldu dutenez, bi urtez euskal literaturako eragile feministekin sarean elkarrizketan egon ostean garatuko da topaketa.
Izen ematea ekainaren 6an zabalduko dute, dohainik. Bi egun iraungo du, goizeko 10.00etatik ilunabarreko 20.00ak bitartean, Gasteizko Emakumeen Etxean. Goizez, mahai-inguruak egingo dituzte, gonbidatu ezagunekin: argitaletxe eta liburu-denden mahai-ingurua, genealogiena eta irakurle talde feministena. Arratsaldez lantegian egingo dira (hainbaten artean aukeratu egin beharko du parte hartu nahi duenak), eta omenaldi batekin itxiko da egitaraua.
Hemen kontsultatu daiteke egitarau osoa: LiteraturzaleFeministenTopaketak. Topaketetan eta lantegietan izena emateko helbide elektroniko bat jarri dute eskuragarri: literaturzale.feministak@gmail.com.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
