“Kafe Expreso” irratsaioa jaio da, “espetxeetako harresiak zulatzeko”
Abenduaren 30ean egingo dute Kafe expreso irratsaioaren lehenengo saio berezia, Hala Bedi Tabernatik zuzenean. Aurrerantzean, ostegunero entzun ahalko da uhinetan. Hego Euskal Herriko kartzela guztietara heltzea da helburua, preso eta kalean daudenen artean sentipenak, sormen lanak, eskaerak zein mezuak elkarbanatzeko.
Gabonetatik aurrera, irratsaio berria izango da Hala Bediko uhinetan: Kafe Expreso. “Espetxeetako harresiak zulatuko dituen zubia” izateko jaio da irratsaioa, tonu dinamiko eta umoretsuan. Alde batetik, presoen sentipenak, beharrak,ametsak, sormen lanak, musika edota bestelako eskaerak ekarriko dituzte gurera. Bestetik, preso dauden horiek “tarte batez kalean sentiarazteko”, haien senide eta lagunek presoei mezuak uzteko tartea ere eskeiniko dute: zoriontze deiak, dedikatoriak, anekdotaren bat kontatzeko gutuntxoak, hausnarketak eta beste asko.
Abenduaren 30ean egingo dute Kafe Expreso irratsaioaren lehenengo saio berezia, Hala Bedi Tabernatik zuzenean. Aurrerantzean, ostegunero entzun ahalko da uhinetan eguerdiko 15:00etatik aurrera. Gonbidapena luzatu nahi izan dute jendea emisio berezira hurbiltzeko.
Irratsaioa euskaraz egingo dute, baina edozein hizkuntzatan zabalduko dituzte presoen zein kalekoen mezuak. Preso sozialei eta politikoei zuzenduko diete programa, eta Hego Euskal Herriko espetxe guztietatik entzuteko aukera bermatu nahi dute: Zaballan Hala Bediren bidez, Basaurin 97 irratiaren bidez, eta Iruñean Antxetaren bidez. Martutenen Naiz irratiaren bidez entzungo da.
Asmo honekin laguntzeko, parte hartzeko gonbita luzatu dute Kafe expresoko kideek: “inguruan preso dagoen norbait ezagutzen baduzue, berari zein ingurukoei irratsaioaren berri ematea eta nahi dutena bidaltzeko gonbitea luzatzea” eskatu dute.
Hauek dira harremanetarako bideak:
-Gutun postala:
Hala Bedi
Bueno Monreal kalea 16 behea – Gasteiz (Araba)
-Erantzungailua: 945 12 27 38
-Emaila: kafeexpreso@halabedi.eus
-Sare sozialak: @kafeexpreso
📍📍 ADI!!!📍📍 Instituciones PNVnciariasek babestuta irratsaio berri bat astera doa: KAFE EXPRESO!!!
Espetxeetako harresiak zulatuko dituen zubia eraiki nahian. Animatuko presoekin kafe bat hartzera?
ABENDUAREN 30etik aurrera, ostegunero 15.00etan @halabedi eta @97irratia -n
— kafeexpreso (@kafeexpreso) December 1, 2021
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
