SEA patronalaren “jarrera inmobilistaren” aurrean, mobilizatzeko beharra azpimarratu du LAB sindikatuak
LABek salatu duenez, SEAk estatuko hitzarmena Arabara ekarri eta soldata igoera eskasak adostu nahi ditu.
Instalaciones de la planta de Tubos Reunidos en Amurrio / IREKIA
Ekainaren 5ean, asteazkenean, Arabako metalgintzako mahai negoziatzailea bildu zen eta bertan, LAB sindikatuak salatu duenez, sailkapen profesionala eta soldatak izan zituzten hizpide besterik ez. “SEAren jarrera argia izan zen: estatuko hitzarmena gurera ekarri eta soldata igoera eskasak adostea, 2018ko urtea ezabatuz”.
Sailkapen profesionalari dagokionez, SEAk sailkapen berri bat proposatu zuen Arabako Metalerako, talde profesionalak ezarriz. “Proposamen hori Estatuko metalgintzako hitzarmenean
agertzen den berdina da, zaharkituta gelditu diren mailak mantentzen dituena eta langileentzat inolako hobekuntza ekonomikorik suposatzen ez dituena”.
Bestalde, 2018rako ez duela inongo soldata igoerarik aurreikusten berretsi zuen SEAk, eta hurrengo urteetarako igoerak bere horretan mantentzen dituela. Modu berean, lanaldia ezin dela jaitsi adierazi zuen patronalak -1.735 ordukoa da, Euskal Herriko metalgintza hitzarmenen arteko altuena-. Sindikatuaren esanetan, patronalak ez zuen onartu hau subrogazioa hitzarmenean jasotzea.
Horren aurrean, LABek argi eta garbi azpimarratu nahi izan du aktibazioaren eta mobilizazioaren beharra eta norabide horretan, hurrengo asteetan mobilizatzeko prestutasuna agertu dute, sektoreko beharrei erantzungo dien hitzarmena lortzeko helburuarekin.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
