ERREPORTAJEA | Arabako sektore estrategikoak Gasteizen metatzen ari dira
Lurralde oreka sustatzea administrazio publiko ezberdinen helburua izan arren, Gasteizek Araban duen nagusitasuna inoizko handiena da egun. Horrez gain, gero eta trinkotuago daude Gasteizen etorkizunean estrategikoak izango diren sektore ekonomikoak, lehen sektorea salbu. Arabako egitura ekonomikoa egokitu behar da lehiakortasuna, neutraltasun klimatikoa, digitalizazioa eta erresilientzia areagotzeko, egitura hori izango baita arabarron biharko ongizatearen eta kohesio sozialaren zutabea.