Kutxi kaleko etxe okupatu bat hustu du Udaltzaingoak
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
2017an jakinarazi zuen GES Gazte Emantzipaziorako Sareak hiru etxebizitza okupatu zituela, horietako bat zen Kutxi kaleko 92. zenbakia. Gaur 10:00ak aldera udaltzain ugari hurbildu dira bertara eta etxebizitza husteari ekin diote. Bi ordutik gora egon da moztuta kalearen atal bat, udaltzainek eta etxegabetzea betetzera deitutako langileek barruan zeuden objektuak atera bitartean. Ez da erresistentziarik egon.
Polizia-talde handi batek Aiztogile kalea hartu du Txapelarri eta Hala Bedi tabernaren artean eta inor ez zegoela egiaztatu ondoren, izapide guztiak bete eta sarraila aldatu dute, jabeak altxamenduaren ondoren etxebizitzaren jabetza berriro hartzen duela ziurtatzeko. Ate blindatu bat jarri dute sarreran, jende gehiago sartzea galarazteko.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
