Bertxokoren despedida irailera arte: the bertsolari goes to the beach
ENTZUN:{audio}ingurumariafinala.mp3{/audio}
Ikasturte zoragarri, gozatsu eta uros baten ondoren, bertxokoko ekipoa (argazkian ikus dezakezue erredakzio talde osoa, ederki jantzita) oporretara goaz, tripaz gora etzan, San Franciscoak edan eta haizea eman diezaguten agintzera. Zenbat asteazken bertsolaritzaren inguruko informazio kontrastatu, serio eta dokumentatua ematen… Sinesgaitza da, hainbeste lan egin eta gero, nola jarraitzen dugun bizirik. Gogorra izan da.
Hala ere, ez gara joango azken perla bat zuei eman gabe: gu hondartzara goaz, baina Bertsolaria eta bere ingurumaria gure ataleko protagonista ere bai. Bertsolariak hondartzan nola sentitzen diren, zein diren beren kezkak… jakin nahi? egin klik goiko audioan, eta jarri serio. Ez zaizue damutuko.
Irailean bueltatuko da kazetari bulartsu ekipo serio hau. Bitartean, gure podcast-ean entzun ditzakezue orain arteko saio guztiak. Egunean bat bakarrik entzutea gomendatzen dizuegu, zuen osasunaren mesederako.
Opor on porron porron!
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
