Beste preso bat hil da Zaballako espetxetik ospitalera eraman eta gutxira
60 urteko preso bat hil da joan den astelehenean egoera larrian zegoela ospitalera eraman ondoren. Salhaketak salatu du presoak egun batzuk zeramatzala osasun egoera larrian, eta espetxeko langile baten eskariz eraman zutela azkenean medikuarengana, berandu bazen ere.
Argazkia: Salhaketa
Salhaketak prentsa ohar baten bidez jakinarazi duenez, bizkaitar jatorria zuen J.J.H. presoak, 3. moduluan betetzen zuen zigorra. Pasa den astelehenean hil zen, kartzelan egunak zeramatzan osasun egoera larrian eta langile batek eskatu zuen presoa ospitalera eramateko. Hasiera batean ezezkoak jaso zituen baina behin eta berriz eskatu ondoren lortu zuen presoa ospitalera eramatea. Gau horretan bertan hil zen J.J.H.
Prentsa oharrean azaldu dutenez, narriadura kognitibo larria zuen presoak, eta zailtasunak zituen izenak eta aurpegiak ezagutzeko. Espetxeak berak onartzen zuen egoera hori zela eta ondorioz ia beti erizaintzan zaintzapean edukitzeko atera zuten modulutik. Haren senide hurbil bakarra, ahizpa nagusi bat zen, honek ere osasun arazoak ditu eta ez zegoen presoaren zaintzaz arduratzeko egoeran.
Hil aurreko egunetan, presoak alboetako mina eta odola gorotzetan erakutsi zituen, eta erori bat ere izan zuen. Bere moduluko kideei deigarria egin zitzaien ez zuela odolik isuri kolpearen ondorioz. Salhaketak jakinarazi duenez, gertatutakoa berreraiki ahal izan dutenak ez dira zentroko zuzendaritza ezta zerbitzu medikoak izan. Preso talde bat izan da gertatutakoa kontatu ahal izan dutena, hauek J.J.H.-ren zaintzaz arduratzen egon dira modu informal batean.
Salhaketaren hitzetan, datu horrek erakusten du espetxeen baitan zaintzak eta informazioak nola erortzen diren marjin txikiena dutenen esku, instituzioa isildu egiten den bitartean. Ez da komunikazio gabezi puntual bat, isiltasuna espetxearen egitura sostengatzen duen mekanismoa dela diote elkartetik. Gaineratu dute gizarteak espetxeen barruan gertatzen dena jakiteko eta eztabaidatzeko eskubidea duela eta harresien atzean gertatzen dena kanpoan gaudenon erantzukizun politikoa dela.
Salhaketak kontzentrazioa deitu du ostegun honetan, uztailak 30, Gasteizko Andre Maria Zuriaren plazan 12:00etan gertakariak salatzeko.
Ez da kasu isolatua
Salhaketak salatu du ez dela kasu isolatua. Elkarteak jakinarazi duenez, 2021eko urritik, Eusko Jaurlaritzak espetxeen eskumena hartu zuenetik, Araba, Bizkaia eta Gipuzkoako espetxeetan gutxienez 11 preso hil direla “arrazoi ez naturalengatik”. Heriotza horietatik hainbat Zaballan gertatu dira.
Elkarteak salatu du “errepikatzen dena ez dela heriotza bera baizik eta inguratzen duen isiltasun instituzionala”. Horregatik, exijitu du Eusko Jaurlaritzak “komunikazio protokolo ofizial, argi, nahitaezko eta gardena” ezar dezan, eta fiskaltzak iker ditzala heriotza hauen atzean dauden “kausa errealak eta egiturazkoak”.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
