Txomin Lasa (ELA): “Enpresa pribatuak sektore hauetatik atera behar dira”
Zahar-etxeetako egoeraren inguruan mintzatu gara ELAko Txomin Lasarekin.
EAEko zahar-etxeetako langileen egoeraren inguruan mintzatu gara ELA sindikatuko arduradun sozio-sanitarioa den Txomin Lasarekin. Egun egoitzetan bizitzen ari diren baldintza txarrek urteak horrela daramatzatela azalduz hasi da, nahiz eta azken hilabeteko egoerarekin horiek mugetara eraman diren.
2004. urtetik burututako greben errepasoa egin dugu. 2017an Bizkaiko greban 377 egun zirela oroitaraziz eta 2018ko irailetik hasia zeukaten greba azalduz. Koronabirusaren testuinguruarekin sektorean emandako egoera larria ikusirik, greba atzeratzea erabaki zutela azaldu digu, langileak beren lanpostutara itzuliz eta nagusiei zaintza 100%ean bermatzeko helburuarekin.
Akitzeko, instituzio eta politikariek zaharren heriotzen aurrean normaltasunez jokatzea eta ahal duten guztia eman ez izatea salatu du, horren aurrean jendarte bezala, askoz gehiago exijitu behar dugula aldarrikatuz.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
