Transfobiari antolakuntzaz eta autodefentsaz aurre egin lelopean kontzentrazioa burutu du Gasteizko E28 Koordinadorak
Ekainaren 21ean, astelehenean, ‘Esto con Franco no pasaba!’, ‘Transformers no!’ eta ‘Marikas’ margoketa homofoboak eta transfoboak egin zituzten ezezagun batzuek Umandi ikastolako LGTBIQ+fobiaren kontrako muralean.
Umandi ikastolan egindako margoketa transfoboak salatzeko elkarteratzea burutu dute Korreos plazan.
Jolastokiko horma batean, LGTBIQ+ bandera margotu zen aurreko maiatzaren 17an, LGTBIQ+fobiaren kontrako egunean, eskolan lantzen diren baloreekin bat eginez. Mural horren gainean egin zituzten ezezagun batzuek margoketa homofobo eta transboak pasaden astelehenean. «Erabat arbuiatzen ditugu margoketa hauek. Gure eskola komunitatean, umeak aniztasunean, errespetuan eta bizikidetzan hezten jarraituko dugu«, adierazi zuen eskolako komunitateak ohar bateratu batean.
Gaur E28 Koordinadora atera da kalera eta hurrengo astelehenean kaleak hartzeko deia zabaldu du.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
