Salbuespen espetxe politikarekin bukatzeko Zaballara martxa deitu du Sarek abenduaren 21erako
Urtarrilaren 11an Bilbon burutuko den manifestazio nazionalaren atarian, Sarek Zaballako espetxera martxa antolatu du abenduaren 21erako "salbuespen espetxe politika behin betiko" bukatu dadin.
Iaz Euskal Preso Politikoen etxeratzea exijitzeko Zaballako espetxera egin zen martxa
Bilboko kaleak beteko dituen urtarrilaren 11ko manifestazio nazionalaren atarian, Sarek mobilizazioak antolatu ditu Hego Euskal Herriko hiriburuetan, baita Gasteizen ere, gabonetako testuinguruan eta manifestazio nazionalerako “motorrak berotzeko” asmoarekin. Zaballara martxa izango da abenduaren 21ean, larunbata, eguerdiko 11:30etan Hotel Ruta de Europatik abiatuko den mobilizazioa.
Urtarrilak 11eko manifestaziorako “motorrak berotzeko” mobilizazioak deitu ditu Sarek, Gabonen testuinguruan, lau hiriburuetan:
📆Ab 21ean
1️⃣ Gasteizen · 11:30
2️⃣ Iruñean · 18:00
📆 Ab 27an, Bilbon
📆 Ab 28an, Donostian
>> #AteraBideraPresoakEtxera
https://t.co/OpOIBy4qCb pic.twitter.com/L1fxt1Dyvv— Sare #OrainPresoak👌🗝🕊 (@sare_herritarra) November 26, 2019
Lau ardatzek hartuko dute Sareren mobilizazioetan garrantzia berezia: Gaixotasun larriak dituzten presoen etxeratzea, dispertsio politikarekin amaitzea, motxiladun haurren eskubideak errespetatzea eta euskal emakume presoen egoera eta baldintzak hobetzea. Egoera guzti horiek “salbuespen errealitate” bati ernatzuten diotela azaldu du Sarek.
Datuak ere jarri ditu mahai gainean presoen aldeko euskal preso politikoen aldeko sare herritarrak. Oraindik ere 600 eta 1.1000 kilometrotara urrunduak dauden 142 preso daudela gogorarazi du, eta 42 direla 400 eta 590 kilometro artean dispertsatutako presoak. Dispertsio politika honek dagoeneko 16 senideren heriotza eragin du. Emakume presoen errealitatea lazgarriagoa da oraindik, “are bakartuago eta are isolatuago” baitaude. Espainiar Estatuan dauden 25 emakume presoetatik 12 bakartuta daude, espetxean kiderik ez dutela.
Larriki gaixo dauden presoen egoera ere ekarri dute gogora. 21 dira egoera horretan aurkitzen diren euskal presoak, Sarek preso hauen askatasuna exijitu du. Iragan urrian hil zen Jose Angel ochoa de Eribe Gorbeialdeko presoa, hirugarren graduan zela.
Jose Angel Ochoa de Eribe Euskal Presoaren heriotza salatzeko manifestazioa | Argazkia: Sare
Bilbo betetzeko deia
Sare herritarrak urtarrilaren 11an Bilboko kaleak betetzeko deia luzatu du. Salbuespeneko espetxe politika behin behinekoz bertan behera gera dadin manifestazio nazionala antolatu dute egun horretarako “atera bidera, orain presoak” lelopean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
