Nakba, Palestinaren hondamendia, gogoratuko dute
Israelgo estatua ezarri zutela 70 urte bete dira maiatzaren 14an; horrekin batera, Amerikako Estatu Batuetako enbaxada Jerusalemen ezarri nahi dute. Protesta egunak dira beraz Palestinan eta munduko toki ezberdinetan ere bai. Al Nakba, hondamendia, izenarekin ezaguna den egun hartan 700.000 palestinarrek ihes egin behar izan zuten.
Urteurrenaren kontestuan, hainbat ekimen egongo dira Gasteizen. Astelehenean, maiatzaren 14an, Roadmap to apartheid dokumentala eskainiko dute Zaramagako Memoria Gunean 19:00etan.
Asteartean elkartasun elkarretaratzea deitu dute: Andra Maria Zuriaren plazan 19:00etan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
