Mercedeseko zuzendaritzaren azken proposamenaren ostean, greba deialdiei eutsiko diete ELA, LAB eta ESK-k
Gasteizko Mercedes Benz enpresako zuzendaritzak azken orduko proposamena egin dio Enpresa Batzordeari, gehiengo sindikalak babestutako hiru greba egunen bezperan. Zehazki, %5eko soldata igoerak, ordainsari berezi bat eta malgutasuna hobetzea eskaintzen die enpresak. Hala ere, ez ditu bere egin langileen eskakizun nagusiak: ez KPIaren araberako soldata igoera, ez gaueko seigarren txandari uko egitea.
Patronalarekin bildu dira gaur sindikatuak. UGT, CCOO, Ekintza eta PIM sindikatuek uztailaren 6ko greba eguna bertan behera uztea erabaki dute.
Aldiz, ELA, LAB eta ESK sindikatuek aste honetako greba deialdiari eutsi diote uztailaren 6, 7 eta 8an. Izan ere, honakoa ebatzi dute aho batez hiru sindikatu horiek: zuzendaritzak ez duela KPIari lotutako igoerarik proposatu, eta ez duela bermatu langileen erosahalmena, batetik; eta seigarren gauari eta malgutasunaren aldeko apustuari eutsi diola, bestetik. Gainera, ez ditu arautzen asteburuetan eta jaiegunetan lan egiten duen kolektboaren baldintzak, eta ez die erantzuten V. ereduari eta mugikortasunari buruzko aldarrikapenei. “Aldarrikapen horiek guztak azken batzarrean langileek defendatu zituzten”, berretsi dute.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
