Judimendiko Gazte Astea antolatu dute, auzoko jaien bezperan
Aurreko urteetako ohiturekin jarraituz, Judimendiko gazteek Gazte Aste Kulturala antolatu dute auzoko jaietako kontestuan. Aurten, jaien aurretik ospatuko dute astea: ekainaren 14tik 19ra.
Tailerrak, musika edota zinema egongo dira egun guztietan auzoko gune ezberdinetan eta egun bakoitzean, ezaugarri berezi bat izango du egunak: musika, ikasleak, kirola, zinea, feminismoa eta euskara.
Astea aurrera ateratzeko gune ezberdinak erabiliko dituzte: SUmendi Gazte espazioa, auzoko parkea edota Candela taberna. Txosnagunea ekainaren 21ean irekiko dute eta 23ra arte egongo da zabalik. Hala Bedik ere jaietan parte hartuko du eta 23an bertan egunean zehar irrati-maratoi bat egingo du.
Egitaraua osorik
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
