“Entzundako hitzez aparte, ez dago idatzizko aipamenik Eskola Publikoa ardatz izango dela adierazten duenik. Kontrara, sistema duala betikotuko duen Lege Berriaren oinarriak finkatu nahi direlakoan gaude”, salatu dute.

Topagunearen balorazioa, Hezkuntza Akordioa dela eta

Hezkuntza Lege berriaren abiapuntua “Euskal Hezkuntza Zerbitzu Publikoa” izango da eta horrela, Euskal Eskola Publikoaz Harro Topagunearen arabera, bi sareen sistema diskriminatorioa ez da gaindituko. Gainera, Lege berriak sare pribatuaren finantzazioa handituko duela uste dute, akordioak “doakotasuna” bermatzeko hartzen duen konpromisoa ikastetxe pribatuen finantzaketa igotzean datzalako.

Bestalde, diotenez, eskola-segregazioaren aurka proposatzen diren neurriek ez dute segregazioarekin bukatuko: “udal matrikulazio bulegoak “familiei matrikulazioa egiten laguntzeko” izango dira,beraz, ikastetxe pribatuek familiak “filtratzeko” aukera izaten jarraituko dute”. Azkenik, euskarari dagokionez atzerapauso nabarmena dagoela azaldu dute, murgiltze eredua ez delako bermatzen ikastetxe bakoitzaren esku uzten bada hizkuntza proiektua sortzea.

Laburtuz, akordio honek sistema duala finkatzen duela azaldu dute: “ikastetxe pribatuei finantzazioa handituko die; ez du segregazioari benetako neurriekin aurre egiten eta ez da murgiltze eredua unibertsalizatzen”.

Hala Bedi babestu nahi duzu?

Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!