Greba mugagabeari ekin diote gaur Elecnorreko langileek
Lan baldintzak hobetze aldera zuzendaritzak erakutsi duen pasibitatearen aurrean Elecnorreko langileek greba mugagabea abiatu dute gaur.
![](https://halabedi.eus/wp-content/uploads/2019/12/WhatsApp-Image-2019-12-09-at-12.46.32.jpeg)
General Loma kalean langileek burututako elkarretaratzea
Iragan azaroaren 22an iragarri bezala greba mugagabea abiatu dute Elecnor telecomunicaciones enpresako langileek gaur. Aurretik bost greba egun burutu dituzte dagoeneko, zuzendaritzak, ordea, ez du lan baldintzen hobekuntzaz negoziatzeko borondaterik erakutsi.
LAB eta ELA sindikatuek positiboki baloratu dute greba mugagabearen lehenengo egun hau, Instalazio eta Mantentze ataleko langileen %100 atera da grebara, beste hainbat ataletan ere langile askok egin dute bat deiladiarekin. langileek bi elkarretaratze burutu dituzte, enpresaren instalazioen aurrean lehenengoa eta General Loma kaleko Telefonica dendaren aurrean bigarrena. Elecnor Telecomunicaciones Telefonicarentzako soilik lan egiten duen azpi-kontrata bat da.
Negoziatzera esertzetik urrun, langileei greba egin ez zezaten idazki bat eman die eskura zuzendaritzak. Duela astebete greba erregistratu zenetik egin duen mugimendu bakarra da hau.
Enpresak arazo ekonomikoak argudiatzen ditu langileen egoera ez hobetzeko, sindikatuek, ordea, enpresak 2018an 28 milioi euroko irabaziak banatu zituela azpimarratu dute. Hainbat hedabidek argitara atera dute Elecnorrek %1,5 igo duela fakturazioa azken urtean, «enpresak langileon baldintzak duintzeko dueborondate falta agerian utziz».
Greba mugagabearen baitan mobilizazioekin jarraituko dute hurrengo egunetan. Gabonetako sasioia aprobetxatuz Telefonicako azpikontraten egoeraren berri emango diete bezeroei eta Plaza Berriko gabonetako merkatuan elkarretaratze intentsiboa burutuko dute Abenduaren 19an. Abenduaren 20rako Elecnorrek Bilbon duen egoitza zentralera hurbiltzea aurreikusten dute, Gipuzkoako, Nafarroako eta Bizkaiko ELA, LAB eta ESK sindikatuen langile-ordezkarien babesarekin batera.
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!