Gaztetxeko rokodromo berria estreinatuko dute biharko jaialdian
Gasteizko eskalatzaileek eskalatzeko txoko berri bat dute hirian, Gaztetxeak rokodromoa eraiki du eta bihar inaguratuko dute, antolatu duten jaialdian.
Gaztetxeko Gaztetxeko eszenatokian egokitu dute rokodromoa
Aste luzez lanean ibili ostean, Gasteizko gaztetxeak rokodromo berria estreinatuko du, bihar, azaroaren 9an, ospatuko duen jaialdian. Gaztetxeko eszenatokiaren pareko horma batean jarri duten panel batean egokitu dute rokodromoa.
❗️❗️❗️Gorde data!
📆Larunbat honetan, AZAROAK 9, boulder berriaren inaugurazio jaia
🕒18:00etatik aurrera…
Bloke maratoia + proiekzioa + The Kutxaratxas kontzertua + Zuretzako Mezua DJ🐒Gaztetxean eskalatzea gune autogestionatuak defendatzea da! pic.twitter.com/ifpHEblkmb
— Gasteizko Gaztetxea (@GasteizGaztetxe) November 6, 2019
18:00etan ekingo diote egitarauari, Gaztetxeko kideek bloke desberdinak prestatuko dituzte panelean eta eskalada bloke maratoia egingo dute. 20:30etan munduko txoko desberdinetako eskaladari buruzko bideo projekzioak eskainikodituzte garagardo eta palomitekin lagunduta.
Iluntzea girotzeko “The Kutxaratxas” taldeak kontzertua eskainiko du 21:30etan eta “Zuretzako Mezua” DJak gaua girotuko dute 23:00etatik aurrera.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
