Gaixotasun baja hartzeagatik Aguraingo DHL Euskal Log enpresatik langile bat kaleratu dute
Aguraingo DHL Euskal Log enpresako ELA, LAB eta CCOO-k eman dute jakitera: gaixotasun baja hartzeagatik langile bat kaleratua izan da. Elkarretaratze bateratu bat egin zuten urtarrilaren 12an, eta ostean, agiri batean eman dute kaleratzearen berri.
“Berriz ere, enpresako zuzendaritzak lankide bat kaleratu du”. Hala adierazi dute, kaleratzea burofax baten bidez aurrera eraman zuela azpimarratuz: “ez da lehenengo aldia”. Baja hartzeko enpresak jarri duen aitzakiak argi adierazi du zuzendaritzaren jarrera: 2016an guztira 29 egun ezberdinetan baja hartzegatik kaleratu dute langilea.
Sindikatuek argi utzi dute kaleratze honen aurka egoteaz gain, “langileen eskubideak urratzen dituen edozein kaleratzeren aurka” daudela. Zuzendaritzari adierazi utzi diote “aurrean” izango dituztela enpresako langileak: “enpresako langileon batasunaren unea da”, azpimarratu dute. Urtarrilaren 12an elkarretaratzea egin zuten enpresaren kanpoaldean, baina baliteke mobilizazio gehiago iragartzea.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
