TUVISAk langile baten greba eskubidea urratu zuen urtarrilaren 30ean
Urtarrilaren 30eko Greba Orokorrean TUVISAk kudeatzen duen Santa Barbara parkingeko langile bati greba eskubidea urratu izana salatu du ESK sindikatuak.
Urtarrilaren 30eko Greba Orokorraren irudi bat | Argazkia: Hala Bedi
TUVISAk, hiri autobusak kudeatzen dituen enpresak, urtarrilaren 30eko Greba Orokorrean langile baten greba eskubidea urratu izana salatu du ohar bidez ESK sindikatuak. Santa Barbara parkingean, arratsaldeko txandan, grebara batu zen langile bat ordezkatu zuen, lehenengo honen greba egiteko eskubidea ez errespetatuz.
Enpresak greba deialdiaren aurretik adierazi zuen langileren batek greba egin ezkero Santa Barbara aparkalekuko hesia zabalik egon beharko zela. Arratsaldeko txandan, ordea, ez zen hori gertatu grebara batu zen langilea ordezkatua izan zelako
TUVISAren jokabide hori urtarrilaren 30eko Greba Orokorra “isilarazteko trikimailu” bat izan zela adierazi du ESK sindikatuak eta Auzitegi Sozialean greba eskubidearen ustezko urraketa salatzeko prozesuari ekin dio.
TUVISAko gerentziari eta Amaia Barredo Gasteizko Udaleko zinegotzi ordezkariari “lehen bait lehen” azalpenak eman ditzaten ere eskatu du ESK sindikatuak “oinarrizko eskubideak erasotzen dituen jokaera oso larri baten aurrean” daudela iritzita.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
