Olarizuko Gazte Asanbladaren 10. urteurrena ospatuko dute larunbatean
Egun osoko egitaraua antolatu dute Adurtzako gazteek urtemuga ospatzeko: bazkaria, txapelketak, pintxada eta beste asko.
Auzoko gazte asanbladak 10 urte beteko dituela eta, urtemuga ospatzeko egitaraua antolatu dute Olarizuko Gazte Asanbladako kideek larunbat honetarako, azaroak 13.
Eguerdiko 13:30etan hasiko dute eguna urteurren argazkiarekin, hegoalden. Ondoren, bazkari herrikoia egingo dute. Izena eman behar du aldez aurretik bazkarira joan nahi duenak.
Bazkalostean, 16:00etan, mahai jolas txapelketa antolatu dute Adurtzako auzo elkartean; eta tabernen arteko tortilla txapelketa 18:00etatik aurrera. Gainera, poteo musikatuak girotuko du tortilla txapelketa.
Eguna amaitzeko, Lokatz Hi-Fi taldearen pintxada izango da 21:00etan Potxi tabernan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
