Lau gazte epaituko dituzte asteazkenean, azken greba orokorreko mobilizaioetan atxilotuak izan zirenak
Azken greba orokorraren harira, orain hiru urte, atxilotuak izan ziren lau gazte epaituko dituzte asteazkenean Gasteizen. Eskubide Sozialen Kartak errepresioa salatu du eta elkarretaratzea deitu du, auziperatuei babesa adierazteko, 10:00etan Epaitegien aurrean.
Pobreziaren aurkako manifestazioa, larunbatean
Eskubide Sozialen Kartak, bestalde, manifestazioa deitu zuen pasa den larunbatean Hego Euskal Herriko hiriburuetan. Gasteizen jendetsua izan zen protesta.
Euskal Herriko Eskubide Sozialen Karta osatzen duten eragileen arabera, areagotzen ari da langile klasearen pobretze prozesua, eta horren erantzule dira «finantza sektorea, energiarena, Patronala eta oro har elite ekonomikoak». Europako Banku Zentralak interes-tasa igotzea erabaki ostean, Madrilen hartutako neurriak epe laburrekoak eta urriak direlakoan daude eragileak, eta uste dute «Urkullu eta Chiviteren Gobernuak ez direla erabiltzen ari indarrean dauden eskumenak herritarren bizi baldintzak ziurtatuko dituzten politikak egiteko».
Europako Funtsek baldintzatuta, Espainiako Gobernua pentsioen erreformaren bigarren zatia aztertzen ari dela ere jarri du mahai gainean Eskubide Sozialen Kartak. Onartezintzat jo dute, halaber, Euskal Herrian aurrekontu berrien zehaztapenean zerga erreforma sakonen falta aberastasuna birbanatzeko, «politika publiko asistentzialistak» nagusi diren bitartean.
«Burujabetza eta eraldaketa sozialaren bidean, elkar saretu, indarrak batu, gure eragina biderkatu eta langile jendearen mesedetara dauden politikak egiteko exigentziarekin aterako gara kalera», azaldu du plataformak.
#PobretzeariStop
Hasi da gaurko mobilizazio eguna.
Gasteizen euripean egindako manifestazioaArratsaldean Iruñean, Bilbon eta Donostian hartuko ditugu kaleak pic.twitter.com/FUo2lvLXnS
— EHko Eskubide Sozialen Karta (@EskubideenKarta) November 19, 2022
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
