Aro berri bati ‘Klika’ Gasteizen
11 egun, 2.500 kilometro baino gehiago eta Euskal Herriko ia bazter guztiak zeharkatu ostean, 21. Korrika Gasteiza iritsi da. Garesen hasi zen euskararen aldeko lasterketak Gasteizko kaleak bete ditu kolore anitzetako irudiak utziz. Andra Maria Zuriaren plazan, Maialen Lujanbio bertsolariak irakurri du sekretupean zaindutako mezua.
Gaztetxea eta Hala Bedi: @ikeraginaga
Gasteizko ibilbidean barrena, dozenaka kolektiboen eskutik pasada lekukoa, eta, haietako batzuk Gasteizko Gaztetxea eta Hala Bedi izan dira: batera hartuko dute 2.543an kilometroa, bi kolektiboetan euskara ikasi dutenen eramanez lekukoa.
Gasteizko Herri Mugimenduko eragile ezberdinek ere lekukoa eraman dute: Ongi Etorri Errefuxiatuak, Ernai, Etxerat, kilometro trabestia, Okupazio Mugimendua… Ibilbide guztian zehar Galder Barbadoren eta Aitor Zelaiaren askatasuna eskatzen zuen pankarta ikusi ahal izan da.
Behin Andra Maria Zuriaren plazan, Maialen Lujanbio bertsolariak hartu du hitza: berak idatzi eta irakurri du sekretupean gordetako mezua: hemen irakurri dezakezu osorik.
Eguneko irudiak bilduz argazki galeria osatu dugu gurean.
Argazki galeria
-
- Zabalgana
-
- Ernai
-
- Jare
-
- Gaztetxea eta Hala Bedi: @ikeraginaga
-
Korrikaren lehen kilometroak Gasteizen
-
Korrikaren Gasteizen barrena: Ongi Etorri Errfuxiatuak, Alea, Okupazio Mugimendua, Armentia…
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
