Gizonezko bat atxilotu dute Gasteizen bikotekideari eraso egiteagatik
Justo Velez de Elorriaga kalean izan da erasoa, goizeko 04:00ak aldera.
26 urteko gizon bat atxilotu dute gaur goizaldean, bikotekideari eraso egitea egotzita. Goizeko 04:00ak aldera gertatu da, Justo Velez de Elorriaga kalean. Ospitalera joan behar izan du emakumeak.
Lekuko batek gizon bat emakume bati eraso egiten ari zitzaiola jakinarazi du. Erasotzailea emakumearen bikotekidea zela egiaztatu ahal izan dute. Gizona atxilotu egin dute erasotuaren eta lekukoaren kontakizuna entzun ondoren. Gaur epailearen esku utziko dute gizona.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
