Gasteiztik independentziara!
Martxoaren 29a egun berezia izango da Gasteizko gazteria independentistarentzat.
“Gasteiztik independentziara!” izeneko egun osoko egitaraua antolatu dugu Ernai Gasteizko
kideok.
Apirilean ospatuko den “Gazteon Eskutik” ekimenaren aurrelanketa gisa prestatutako
egunean, goizean politikaz eta gazteoi kezkatzen gaituzten kontuetaz hitz egiteko aukera
izango dugu. Horretarako, orain dela aste batzuk argitaratutako “Errepresioaren aurkako
gida”-ren aurkezpena eta “Zergatik independentzia?” izeneko hitzaldia egingo ditugu
Gasteizko Gaztetxean. Eguerdian, aisialdi-eskaintzarekin hasi karropoteo bat egingo dugu,
Auzolana pilotalekuan bukatuko dena. Izan ere, bertan gazte bazkaria egingo dugu.
Bazkariaren tiketak badaude jada Garraxi Tabernan salgai, beraz, azkar ibili! Bazkalostean,
Auzolana Pilotalekuan bertan bingo musikatua eta eskupilota ikuskizuna izango dugu.
Eguna bukatzeko, kontzertuak izango ditugu Gasteizko Gaztetxean, Dirakiren, Auzoko eta
Ziztadaren eta DJ adarraken eskutik.
Beraz, martxoaren 29an plan ezinobea eskaintzen dugu eta Gasteizko gazteriari gonbitea
luzatzen diogu egitarauan parte hartzeko. Egunaren eskaintzaz gain, gazteon artean
saretzeko eta elkar ezagutzeko aukera izango dugu. Bat eginez, amesten dugun Euskal
Herrira jauzi egiteko indarrak batuko ditugu.
Peio Sáez de Maturana (Ernai Judimendi)
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
