Gasteizko Laneko Autodefentsa Sarea aurkeztuko dute ostiralean
Kontseilu Sozialistak "lan esparruan antolakuntza eta borroka espazioak garatzeko" sortu du LAS, "nagusien inpunitatearen aurrean, defentsa mekanismo eraginkorrak sortu eta borroka hauek Estatu Sozialistaren eraikuntzaren beharrarekin lotzeko asmoz". Abenduaren 16an aurkeztuko dute 18:30etan Venezuela kaleko 10. atarian.
Gasteizko Kontseilu Sozialistak deitutako mobilizazio bateko irudia.
Gasteizko Laneko Autodefentsa Sarea sortu berri da Kontseilu Sozialistaren ekimenez, “lan esparruan antolakuntza eta borroka espazioak” garatzeko.
Gizarte kapitalistaren krisi garai betean gauden honetan, Kontseilu Sozialistak eta LASek azaldu dutenez, “lan arloan ere nabariak dira burgesiaren ofentsibaren ondorioak” eta “zuzenean” pairatzen dituzte langileek.
Ezartzen ari den lan eredua “ezegonkortasunak” ezaugarritzen duela salatu dute: soldata jaitsiera, langabezia estrukturala, kontratu gabeko lanak, lan jazarpena zein kaleratzeak tarteko.
Testuinguru horretan, Gasteizko Kontseilu Sozialistak “apustua” egingo du “lan esparruan antolakuntza eta borrokarako espazioak garatzeko” eta hori “gizarte hobe baten eraikuntzan” eta “autodefentsa sozialistan” antolatzeko.
Helburu horrekin sortu dute LAS, Laneko Autodefentsa Sarea, eta dei egin dute “lan esparruko egoeraren aurrean autodefentsa antolatzeko beharra ikusten duen edonor” aurkezpenera gerturatu dadin, abenduaren 16an 18:30etan Venezuela kaleko 10. atarian.
🔴#LanekoAutodefentsaSArea
Gasteizko Kontseilu Sozialistatik Laneko Autodefentsa Sarea (LAS) aurkezten dugu. pic.twitter.com/Ka5eZ3ZBcH— Kontseilu Sozialista Gasteiz (@Kontseilua_Gast) December 1, 2022
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
