Gasteizko Gaztetxeko obrak hasi dituzte, urteurrenerako muinoko etxea prest izateko
Urritik abendura luzatuko dituzte obrak, urtemugarako prest izateko. Astelehenetik ostiralera, 09:00etatik 18:00ak arte daude burubelarri.
Gasteizko Gaztetxeko obrei ekin diete asanbladako kideek: muinoko etxeak 30 urte beteko dituenean hasi dituzte obrak. Izan ere, ikasturte honetan bertan ospatuko dute urtemuga.
Urrian, azaroan eta abenduan eramango dituzte aurrera obrak. Astelehenetik ostiralera, 09:00etatik 18:00ak arte egongo dira burubelarri, obretan parte hartzen duten guztiekin batera bazkalduz.
Obretan parte hartzeko asmoa dutenei, asanbladatik pasatzeko deia luzatu diete: astelehenetan 19:00etan egiten dute asanblada, Gaztetxean bertan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
