Eusko Jaurlaritza zigortu dute 2016ko kaleratze batean “Mozal Legea” aplikatzeagatik
Epaimahai batek baligabetu egin ditu Ertzaintzak 2016an Kaleratzeak Stop Araba plataformako sei kideri ezarritako "Mozal Legea". Plataformak auzitara eraman zuen Eusko Jaurlaritza eta aste honetan ebatzi da epaia. Ertzaintzak, 2016ko kaleratze hartan, zabaldutako sei espedienteetatik bost artxibatuta zeuden, dagoeneko, irregulartasunen ondorioz.
Arabako Audientzia Probintzialaren aurrean otsailean egindako elkarretaratzea
Epaimahai batek Eusko Jaurlaritza zigortu egin du, 2016ko udazkenean Kaleratzeak STOP Araba plataformako sei kideri “Mozal Legea” aplikatzeagatik. Plataformak auzitara eraman zituen Ertzaintzak jarritako salaketak.
Errekurtsoak aurkeztuta Jaurlaritza sei espedienteetatik bost artxibatzera behartua izan zen dagoeneko, irregulartasunen ondorioz. Azken espediente bat geratzen zen ebazteko, otsailean ospatutako epaiketan epaiaren zain geratu zen Maria Angeles Kaleratzeak STOP plataformako kidearen espedientea, hain zuzen.
Azken epai honek guztiz baliogabetzen ditu 2016an Ertzaintzak zabalduriko espedienteak. Kaleratzeak STOP Araba plataformatik Mozal Legeari “xake mate” bezala kalifikatu dute ebazpena. Plataformatik espero dute administrazioak neurriak hartzea: “Zentzuzkoa dirudi orain Eusko Jaurlaritzak espedientea irekitzea salaketa jarri zuten Ertzainei; jakiteko zergatik gezurra esan zuten eta haien salaketan bultzada politikorik egon ote zen“.
Etxegabetzea Zabalganan
2016ko udazkenean Alokabidek Zabalgana auzoko etxebizitzatik kaleratu zituen Anastasia eta bere seme-alaba adingabeak. Ehundik gora lagun elkartu ziren orduan etxegabetzea ekiditeko. Ertzaintza eta Gasteizko udaltzaingoa bortizki oldartu ziren familiari babesa adierazteko bertaratu zirenen aurka.
Kaleratzeak Stop plataformako sei kide izan ziren identifikatuak bertan «agintaritzari oztopoak jartzea» egotzita. Urtebetera, Mozal Legea bezala ezagutzen den Herritarren Segurtasunerako Legea baliatuz, Eusko jaurlaritzak jarritako 3.612 euroko isuna jaso zuten sei kideek.
[Bideoa] La Ertzaintza está utilizando la fuerza en el desahucio ordenado por Alokabide#AnastasiaSeQueda pic.twitter.com/d7zjmlIkF2
— Hala Bedi (@halabedi) September 15, 2016
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
